ვიღაცამ რამე გააფუჭა, ყოველ ვთქვათ ტყვიის გასროლაზე, მინისტრი გადავაყენოთ-გადმოვაყენოთ, ეს არასწორია, - განაცხადა შს მინისტრობის კანდიდატმა ვახტანგ გომელაურმა.
მისი თქმით, კანონით სახელმწიფო აძლევს მას იარაღს და გამოყენების უფლებას და პასუხი რატომ უნდა აგოს?
"ახლა ყველა ვიღაცა რაღაცას დააშავებს და ყველა მინისტრმა, მინისტრის მოადგილემ პასუხი აიღოს - რატომ? ვკითხულობ. ელემენტარული თემაა - მას თავისი კანონი აქვს. კანონით სახელმწიფო აძლევს მას იარაღს და გამოყენების უფლებას და რატომ უნდა აგოს? ეს ინდივიდუალური ადამიანია.
მე მაქვს ჩემი უფლება გამოვიყენო ან ხელი მოვაწერო, დავნიშნო თუ არ დავნიშნო. თუ არასწორად დავნიშნე ადამიანი, მომთხოვს პასუხს მე. ვიღაცამ იქ რამე გააფუჭა, ყოველ ვთქვათ ტყვიის გასროლაზე, მინისტრი გადავაყენოთ-გადმოვაყენოთ, ეს არასწორია. კანონი არეგულირებს და რატომ სთხოვთ ვიღაცას პასუხისმგებლობა აიღოს, რა პასუხისმგებლობა უნდა აიღოს გეკითხებით. არასწორია, უბრალოდ.
რატომ უნდა აიღოს გახარიამ პასუხისმგებლობა ამ რეზინის ტყვიების გამოყენებაზე? მესმის, მძიმეა, მაგრამ კიდევ ერთხელ ხაზს ვუსვამ - მე როცა ვარ პოლიციელი, მაქვს იარაღი და ვხედავ, რომ ეს ადამიანი ან მესვრის, ან მკლავს, ან თავში მირტყამს - უკაცრავად, მე უფლება მაქვს ამოვიღო იარაღი, ან დავაზიანო ისე, რომ არ მოვკლა, ან კიდურებში ვესროლო, ან პირდაპირ თუ ვხედავ მკლავს ან ვიღაცას კლავს, ვეღარ ვასწრებ, მე არ მჭირდება "ბატონო მინისტრო, შეიძლება ამას ვესროლო?"- კაცს კლავს. ამას ვხსნი და მაინც ვერ იგებთ", - განაცხადა ვახტანგ გომელაურმა.