უნდა დავიწყოთ ყველა სახის იარაღის წარმოება გარდა ბირთვულისა - ამის შესახებ ღარიბაშვილმა პარლამენტში, ოთხი კომიტეტის გაერთიანებულ სხდომაზე თქვა, სადაც მინისტრობის კანდიდატებს მოუსმინეს.
„მოვიძიე ინფორმაცია, ყოველწლიურად მხოლოდ თავდაცვის სამინისტრო ათეულ მილიონს შეიძლება ხარჯავდეს ტყვია-წამლის შეძენაში. ჩემი მინისტრობისა და შემდეგ პრემიერობის დროს ერთ-ერთი მთავარი პროექტი მქონდა საქართველოში ტყვიის საწარმოს პროექტი. მე ვფიქრობ, რომ ეს ჩვენ უნდა გავაკეთოთ და დღესვე დავიწყოთ ამის კეთება. რა თქმა უნდა, ყველა სახის იარაღის წარმოება გარდა ბირთვულისა. მე ვფიქრობ, რომ ჩვენ ამას შევძლებთ”, - თქვა ღარიბაშვილმა.
