საქართველოს საგარეო საქმეთა მინისტრის მოვალეობის შემსრულებელმა დავით ზალკალიანმა საქართველოს პარლამენტის საგარეო ურთიერთობათა კომიტეტში სიტყვით გამოსვლისას ვრცლად ისაუბრა ქვეყნის სუვერენიტეტის განმტკიცებისა და ტერიტორიული მთლიანობის მშვიდობიანი გზით აღდგენის მიმართულებით სახელმწიფოს მიერ გაწეულ ძალისხმევასა და სამომავლო გეგმებზე.

მისი განცხადებით ოპონენტებს სიცრუეში შეყავთ საზოგადოება, როდესაც აცხადებენ რომ საქართველო გამქრალია საერთაშორისო დღის წესრიგიდან. 'ეს არის სიცრუე და ჩვენ ყოველთვის მოგვყავს კონკრეტული მაგალითები ამის საპირწონედ. ჩვენ პარტნიორებთან ყველა დონეზე ვაყენებთ საკითხს, იმის შესახებ რომ საქართველოს თემა წინ იქნას წამოწეული მათი რუსეთთან დიალოგის დღის წესრიგში და ასეც ხდება. მხოლოდ გასული ერთი წლის განმალობაში ჩვენ მოვახერხეთ და საქართველოს საკითხის განხილვა სამჯერ მოხდა გაერო-ს უშიშროების ფორმატში, მათ შორის სოფელ გუგუტიანთკარში განვითარებული მოვლენები. ეს ადვილი არ არის  და მსურს მადლობა გადავუხადო ჩვენს პარტნიორებს, რომლებიც ჩვენთან თანამშრომლობის შედეგად ახდენენ საქართველოს საკითხის აქტუალიზაციას"-განაცხადა დავით ზალკალიანმა.

მან ყურადღება გაამახვილა ბოლო პერიოდის მაგალითებზე, როდესაც  საქართველოს საკითხი მაღალ დონეზე იქნა დაყენებული. მათ შორის მრავალგზის იქნა განხილული ისეთ საერთაშორისო ტრიბუნებზე, როგორიც არის

გაეროს უშიშროების საბჭო (ბოლოს 2019 წლის 8 აგვისტოს)  გენერალური ასამბლეა, ადამიანის უფლებათა საბჭო, ეუთო, ევროპის საბჭო, ევროკავშირი, ნატო;

მაღალი დონის ორმხრივი დიალოგები: აშშ-თან, დიდ ბრიტანეთთან, საფრანგეთთან და გერმანიასთანსტრატეგიული პოლიტიკური დიალოგის ფორმატები.

პარტნიორი ქვეყნების ლიდერების შეხვედრები და განცხადებები: მათ შორის ბოლო დროს გაჟღერებული საქართველოს მხარდამჭერი განცხადებები ანგელა მერკელი (გერმანიის კანცლერისა და საქართველოს პრემიერ-მინისტრის ერთობლივი პრესკონფერენცია, თბილისი, 2018 წლის 23 აგვისტო), ემანუელ მაკრონი (საფრანგეთისა და საქართველოს პრეზიდენტების ერთობლივი პრესკონფერენცია, პარიზი, 2019 წლის 19 თებერვალი), კერსტი კალიულაიდი  (გაეროს გენერალური ასამბლეაზე, რუსეთის პრეზიდენტთან შეხვედრისსას და სლოვენიაში საერთაშორისო კონფერენციაზე), ანდჟეი დუდა (პოლონეთის პრეზიდენტი) მაიკ პენსი (პოლონეთის პრეზიდენტთან შეხვედრის შემდეგ გამართული პრეს-კონფერენცია, ვარშავა, 2019 წლის 2 სექტემბერი), მაიკ პომპეო (აშშ-ის სახელმწიფო მდივნისა და საქართველოს პრემიერ-მინისტრის ერთობლივი პრესკონფერენციები, პოლონეთში ვიზიტისას გაკეთებული განცხადება) საიმონ კოვინი (ირლანდიის ვიცე-პრემიერი სიტყვით გამოსვლა ევროპელ ბიზნესმენთა ფორუმზე, პარიზი, 2019 წლის 28 აგვისტო), ედგარს რინკევიჩსი (ლატვიის საგარეო საქმეთა მინისტრი) და სხვა  

დავით ზალკალიანის განცხადებით საქართველოს საკითხი ასევე წამოწეული იქნა საფრანგეთის პრეზიდენტისა და რუსეთის პრეზიდენტის ბოლო შეხვედრაზე.

დავით ზალკალიანის განცხადებით  ინტენსიურად მიმდინარეობდა მუშაობა, რათა საერთაშორისო თანამეგობრობის მხრიდან მკაფიოდ დაფიქსირებულიყო პრინციპული პოზიცია რუსეთის ფედერაციის მიერ საქართველოს ტერიტორიების უკანონო ოკუპაციისა და ფაქტობრივი ანექსიის პროცესის, ასევე ადგილზე მიმდინარე უკანონო და პროვოკაციული ქმედებების შესახებ. 

მისი თმით გაჩნდა ახალი და რაც მთავარია - უძლიერესი შინაარსის მქონე საერთაშორისო დოკუმენტები,მაგალითად, როგორიცაა

ევროპის საბჭოს მინისტრთა მოადგილეების კომიტეტის გადაწყვეტილება, რომელიც პირველად 2014 წელს იქნა მიღებული. გადაწყვეტილება  ყოველწლიურად მიიღება და ხაზს უსვამს რუსეთის პასუხისმგებლობას და ეფექტურ კონტროლს ოკუპირებულ ტერიტორიებზე.

გაეროს ადამიანის უფლებათა საბჭოს რეზოლუცია, რომელიც პირველად 2017 წელს იქნა მიღებული.რეზოლუციის მიღება ყოველწლიურად გრძელდება, მიუხედავად იმისა, რომ საქართველო უკვე აღარაა ადამიანის უფლებათა საბჭოს წევრი. რეზოლუცია ხაზს უსვამს ოკუპირებულ ტერიტორიებზე ადამიანის უფლებათა დაცვის საერთაშორისო მექანიზმების წვდომის აუცილებლობას.

გაეროს ადამიანის უფლებათა უმაღლესი კომისრის ანგარიში ოკუპირებულ ტერიტორიებზე ადამიანის უფლებების საკითხზე, რომელიც 2017 წლიდან მიიღება.

ეუთოს მეგობართა ჯგუფის ერთობლივი განცხადება რუსეთ-საქართველოს კონფლიქტზე, რომელიცპირველად 2016 წელს იქნა მიღებული. განცხადება  ყოველწლიურად მიიღება და ხაზს უსვამსოკუპირებულ ტერიტორიებზე შექმნილ ურთულეს ვითარებას.

აშშ-ის მიერ მიღებული „საქართველოს მხარდაჭერის აქტი", რომელიც შეიცავს უძლიერეს ფორმულირებებს და ითვალისწინებს აშშ-ის პრეზიდენტის მიერ შემზღუდავი ზომების დაწესებასოკუპირებულ ტერიტორიებზე ადამიანის უფლებათა დარღვევებში პასუხისმგებელ პირებზე.

ევროპარლამენტის 2018 წლის 14 ივნისის რეზოლუცია „საქართველოს ოკუპირებული ტერიტორიები, 10 წელი რუსეთის შემოჭრიდან", რომელიც მოუწოდებს წევრ ქვეყნებს და ევროკავშირის საბჭოს, შესაბამისი სანქციები დაუწესონ „ოთხოზორია-ტატუნაშვილის სიაში" შესულ პირებს;

ირლანდიის სენატის რეზოლუცია საქართველოს ტერიტორიული მთლიანობის მხარდაჭერის შესახებ, რომელიც ირლანდიის მთავრობას მოუწოდებს ოთხოზორია-ტატუნაშვილის სიაში შესულ პირებზესანქციების ამოქმედებისაკენ.

2016 წლიდან დაიწყო ოკუპირებულ ტერიტორიებზე არსებული ვითარების ასახვა დიდი ბრიტანეთის საგარეო და თანამეგობრობის ოფისის ყოველწლიურ ანგარიშში „ადამიანის უფლებები და დემოკრატია".

პრიორიტეტულ მიმართულებად რჩება საქართველოს ოკუპირებულ რეგიონებში მოსახელობის ჰუმანიტარული მდგომარეობისა და ადამიანის უფლებების დაცვა. ამ  მიმართულებით მნიშვნელოვანი აქცენტი კეთდებოდა„ოთხოზორია-ტატუნაშვილის სიაში" შემავალ პირთა მიმართ პარტნიორი ქვეყნებისა და საერთაშორისო ორგანიზაციების მიერ სანქციების დაწესებაზე.

შედეგად  პირველად ამოქმედდა საერთაშორისო შემზღუდავი ზომები ოკუპირებულ ტერიტორიებთან დაკავშირებით:

2017 წელს აშშ-მა მიიღო უპრეცედენტო გადაწყვეტილება და ფინანსური შეზღუდვები დაუწესა არაღიარების პოლიტიკის დამრღვევ სახელმწიფოებს. ბოლო სამი წელია აშშ-ი ყოველწლიურად იღებს კანონს, რომელიც კრძალავს ასეთი ქვეყნების დაფინანსებას. 

2018 წელს ლიეტუვამ შემზღუდავი ზომები დააწესა ოთხოზორია-ტატუნაშვილის სიაში შესული პირებისმიმართ, რაც ასევე იყო უპრეცედენტო ხასიათის გადაწყვეტილება ჩვენი პარტნიორი ქვეყნის მხრიდან.

მინისტრის განცხადებით საგარეო უწყებამ მოახდინა მყისიერი რეაგირება ბოლო პერიოდში განვითარებულ მოვლენებზე, იქნებოდა ეს გუგუტიანთკარში მიმდინარე ღობეების აღმართვის პროცესი, საქართველოს მოქალაქეების დაკავება, აფხაზეთის რეგიონში ჩატარებული ე.წ. არჩევნები, სოფელ ჩორჩანას სიახლოვეს, საოკუპაციო ხაზთან, საოკუპაციო რეჟიმის მიერ ძალების მობილიზება, თუ საოკუპაციო რეჟიმის თანმდევი მიუღებელი განცხადებები. ამოქმედებული იქნა  უწყების ხელთ არსებული დიპლომატიური ბერკეტები, რის შედეგადაც ვიხილეთ საერტაშორისო საზოგადოების მხარდაჭერის მობილიზება. კერძოდ მათი მყისიერი რეაქცია და მკაფიო საჯარო განცხადებები,  ასევე  განხორციელდა თანათავმჯდომარეების საგანგებო ვიზიტი საქართველოში,  მოხდა საოკუპაციო ხაზთან დიპლომატიური კორპუსის ვიზიტის უზრუნველყოფა და ა.შ.

დავით ზალკალიანის  განცხადებით საქართველოს მთავრობა გააგრძელებს ძალისხმევას  მოლაპარაკებების ფორმატების, როგორიცაა ჟენევის საერთაშორისო მოლაპარაკებები და მის ფარგლებში მოქმედი ინციდენტების პრევენციისა და მათზე რეაგირების მექანიზმები,  ეფექტურად გამოყენების მიზნით. მისი განცხადებით საქართველო ინტენსიურად ფიქრობს იმაზე თუ როგორ მოვახდინოთ აღნიშნული ფორმატის გამოცოცხლება, რათა გავზარდოთ მასში პოლიტიკური ჩართულობის დონე, რათა აღნიშნულ ფორმატში განსახილველ ძირითად საკითხებზე, როგორიც არის ძალის არგამოგეყენება, უსაფრთხოების საერთაშორისო მექანიზმები, იძულებით გადაადგილებულ პირთა და ლტოლვილთა საკუთარ სახლებში უსაფრთხოდ და ღირსეულად დაბრუნება მოხდეს პროგრესის მიღწევა.