სებ-ს მალე საევაკუაციო კიბე ექნება. სებ-ში საევაკუაციო კიბის საჭიროებაზე განცხადება სებ-ის პრეზიდენტმა კობა გვენეტაძემ გააკეთა, რომელმაც აღნიშნა, რომ იუსტიციის სახლის იმ ფლიგელში, რომელშიც ეროვნული ბანკი მდებარეობს, შესაბამისი ინფრასტრუქტურა და საავარიო გასასვლელი არ არსებობს. შესაბამისად, არ არის დაცული თანამშრომელთა და ბანკის სტუმრების უსაფრთხოება.
კობა გვენეტაძემ ეროვნული ბანკისთვის ახალი შენობის მშენებლობის გეგმაზეც გააკეთა კომენტარი.
„ეროვნულ ბანკს სჭირდება მეტი რესურსი და ფართობი”, – აღნიშნა გვენეტაძემ.
ახალი შენობა დაახლოებით 3.5-4 წელიწადში აშენდება. ამასთან, იგეგმება იუსტიციის სახლში მდებარე ფართის რეალიზაცია და თანხა სწორედ ახალი შენობის მშენებლობას მოხმარდება.
