საქართველოს საგარეო საქმეთა მინისტრი დავით ზალკალიანი მიესალმება შეერთებული შტატების მიერ საქართველოში ახალი ელჩის წარდგენას. ამის შესახებ, ზალკალიანმა პარლამენტში, საკომიტეტო მოსმენის დაწყებამდე განუცხადა ჟურნალისტებს.
"ამერიკის შეერთებული შტატები ჩვენი მთავარი სტრატეგიული პარტნიორია. აშშ-სთან გვაქვს ძალიან მჭიდრო თანამშრომლობა.
ახალი ელჩი არის ტრამპის ადმინისტრაციის მიერ დანიშნული პირველი ელჩი საქართველოში. ჩვენ მივესალმებით მის დანიშვნას. ჩემი ინფორმაციით, გარკვეული პროცედურები უნდა გაიაროს, საკომიტეტო მოსმენები სენატში და მას შემდეგ, რაც ეს პროცედურები დასრულდება, რა თქმა უნდა, მასთან აქტიურად ვითანამშრომლებთ.
იმ პერიოდის განმავლობაში, ვიდრე ელჩი არ იყო, ელჩის რანგით იყო მოვლენილი საქართველოში დროებითი რწმუნებული, რომელიც ასევე ძალიან მაღალი კვალიფიკაციის დიპლომატია", - თქვა დავით ზალკალიანმა.
შეგახსენებთ, შეერთებული შტატების პრეზიდენტმა საქართველოში აშშ-ის ელჩად კელი დეგნანი წარადგინა.
