გაერთიანებული ოპოზციის ყველა წევრი და მხარდამჭერი 19:00 საათზე პარლამენტთან შეიკრიბება და გიორგი გახარიას პრემიერ-მინისტრის პოსტზე წარდგენას გააპროტესტებენ, - ამის შესახებ „ნაციონალური მოძრაობის“ თავმჯდომარე გრიგოლ ვაშაძემ განაცხადა.
მისი თქმით, გახარის პრემიერ-მინისტრად წარდგენა სახელმწიფოსა და მოქალაქეების შეურაცხყოფაა.
„შევიკრიბებით, რომ ხმამაღლა ვთქვათ ის ჩვენი სათქმელი, რაც გვაქვს და რაც ნიშნავს, რომ აღარ მოვითმენთ ამდენ დამცირებასა და შეურაცხყოფას. ყველაფერი უნდა გავაკეთოთ, რომ ეს ადამიანი, რომელიც ჯალათად გამოვიდა 20 ივნისს, არ დაამტკიცონ პრემიერ-მინისტრის პოსტზე. ეს არის ჩვენი სახელმწიფოსა და მოქალაქეების შეურაცხყოფა. ჩვენ თუ არ დავიცავით ის ბავშვები, ვინც 20 ივნისს აპროტესტებდნენ ამ ხელისუფლების უგუნურობას, არაპროფესიონალიზმსა და უცოდინრობას, მაშინ კაპიკი არის ჩვენი ფასი“, – განაცხადა გრიგოლ ვაშაძემ.
