გავრილოვის განცხადებების აქტუალიზაცია კარგი არ არის ჩვენი პოლიტიკური პროცესისთვის, - განაცხადა საპარლამენტო უმრავლესობის წევრმა ირაკლი კობახიძემ.
„ჩემი რჩევა თუ თხოვნა იქნებოდა, რომ დიდად აქტუალიზაციას, ხელოვნურად ნუ გაუკეთებთ დუმის ერთ-ერთი დეპუტატის განცხადებებს, რომელიც ჩვენ ძალიან ცუდად დაგვამახსოვრდა იმ ინციდენტიდან გამომდინარე, რომელიც იყო საქართველოს პარლამენტში.
მისი განცხადებების აქტუალიზაცია მაინცდამაინც კარგი არ არის ჩვენი პოლიტიკური პროცესისთვის. მისი ამოცანა არის, რომ გარკვეული ელემენტები შემოიტანოს ჩვენს პოლიტიკურ პროცესში, ეს არის იმ ქვეყნის ინტერესებში და მის ინტერესებს ემსახურება დუმის წარმომადგენელი.
ჩვენი ამოცანა უნდა იყოს, რომ მისი ამოცანების რეალიზებას არ შევუწყოთ ხელი. შესაბამისად, არ უნდა შევუწყოთ ხელი გავრილოვის განცხადებების აქტუალიზაციას“, - განაცხადა კობახიძემ.
გიორგი გახარიას პრემიერ-მინისტრად წარდგენას რუსი დეპუტატი სერგეი გავრილოვი ეხმიანება. ინფორმაციას რუსული მედია ავრცელებს.
"საქართველოს მთავრობის მომავალ მეთაურს, პრეზიდენტისგან დამოუკიდებელ, ეყოფა გამბედაობა, რუსეთთან ღია მოლაპარაკებების წარმოებისთვის, თანამშრომლობის აღდგენის მიზნით", - თქვა რუსეთის დუმის სამოქალაქო საზოგადოების განვითარებისა და რელიგიური კომიტეტის თავმჯდომარემ სერგეი გავრილოვმა.
მანვე აღნიშნა, რომ გიორგი გახარია თბილისში, ივნისში განვითარებული მოვლენებისას, მკაცრი პოზიციით გამოირჩეოდა.
პარტია "ქართული ოცნების თა ვმჯდომარემ ბიძინა ივანიშვილმა პრემიერ-მინისტრის პოსტზე შინაგან საქმეთა მინისტრი გიორგი გახარია წარადგინა. მისი თქმით, გახარიამ ღირსეულად დაიმსახურა ამ პოსტზე წარდგენა.
