აზერბაიჯანი არ ცნობს ოკუპირებულ აფხაზეთში ჩატარებულ ე.წ. საპრეზიდენტო არჩევნებს და მის შედეგებს. შესაბამისი განცხადება უწყების ვებგვერდზე გამოქვეყნდა.
"აზერბაიჯანის საგარეო საქმეთა სამინისტრო კიდევ ერთხელ ადასტურებს საქართველოს სუვერენიტეტისა და ტერიტორიული მთლიანობის მხარდაჭერას და არ ცნობს 2019 წლის 25 აგვისტოს აფხაზეთში ჩატარებულ ე.წ. „საპრეზიდენტო არჩევნებს" და მის შედეგებს.
აზერბაიჯანის საგარეო საქმეთა სამინისტროს მიაჩნია, რომ აუცილებელია მოლაპარაკებების გაგრძელება აფხაზეთის საკითხის მშვიდობიანი გზით მოგვარებისთვის, საერთაშორისო სამართლის ნორმებისა და პრინციპების დაცვით", - ნათქვამია აზერბაიჯანის საგარეო უწყების მიერ გავრცელებულ განცხადებაში.
ე.წ. საპრეზიდენტო არჩევნები ოკუპირებულ აფხაზეთში გუშინ ჩატარდა.
