უკრაინის საგარეო საქმეთა სამინისტრო მკაცრად გმობს რუსეთის ფედერაციის კონტროლქვეშ მყოფი, ოკუპირებული აფხაზეთის ტერიტორიაზე მიმდინარე ე.წ. საპრეზიდენტო არჩევნებს. ამის შესახებ განცხადებას სამინისტროს ოფიციალურ ვებგვერდზე ვრცელდება.
"უკრაინა არ ცნობს ამ ყალბ „არჩევნებს" და მას, როგორც რუსეთის ფედერაციის კიდევ ერთი პროვოკაციულ მცდელობად განიხილავს, მოახდინოს პრორუსული სეპარატისტული რეჟიმის ლეგიტიმაცია.
უკრაინა ურყევ მხარდაჭერას უცხადებს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში და იგი არ ცნობს ოკუპირებული აფხაზეთისა და ცხინვალის რეგიონის ე.წ. დამოუკიდებლობას.
უკრაინის საგარეო საქმეთა სამინისტრო მოუწოდებს რუსეთის ფედრაციას, დაიცვას საერთაშორისო სამართლის წესები და პრინციპები და გადახედოს გადაწყვეტილებას აფხაზეთისა და ცხინვალის რეგიონის ე.წ. დამოუკიდებლობის აღიარების შესახებ", - ნათქვამია სამინისტროს განცხადებაში.
რუსეთის მიერ ოკუპირებულ აფხაზეთში ე.წ. საპრეზიდენტო არჩევნები იმართება.
