პარლამენტი "მინიმალურ სამომხმარებლო კალათაში შემავალ პროდუქტებზე ზღვრული ფასების დაწესების შესახებ" კანონპროექტში შესატან ცვლილებებს განიხილავს.
კანონპროექტის ინიციატორთა ("ლეიბორისტული" პარტიის) განმარტებით, კანონპროექტის მიზანს წარმოადგენს აუცილებელ საკვებ პროდუქტებზე მთავრობის მხრიდან ზღვრული არასპეკულატურული ფასების დადგენა და ასევე მონოპოლიური მდგომარეობის მქონე სამეწარმეო სუბიექტების გაკონტროლება, რაც შეჭირვებული მოქალაქეების სოციალური დაცვის ერთ-ერთ მექანიზმს წარმოადგენს.
სახელმწიფოს უმთავრეს ვალდებულებას წარმოადგენს საკუთარი მოქალაქეებისთვის საარსებო გარემოს შექმნა მათი სოცოცხლისა და ჯანმრთელობის დაცვის სოციალური უზრუნველყოფის მიზნით.
კანონპროექტის შესაბამისად მთავრობა მინიმალურ სამომხმარებლო კალათაში შემავალი სასურსათო პროდუქციაზე ადგენს ზღვრულ ფასებს, რომლის გაანგარიშება ხდება სამომხმარებლო ბაზარზე მიწოდება მოთხოვნილებისა და მეწარმე სუბიექტის მინიმალური მოგების გათვალისწინებით.
აღნიშნულ გაანგარიშებას ახორციელებს ფინანსთა სამინისტრო საქართველოს სტატისტიკის ეროვნული სამსახურის მოწოდებული ინფორმაციის საფუძველზე და ამტკიცებს მტავრობა დადგეილებით, რომლის შესრულებაც აუცილებელია სამექარმეო სუბიექტებისთვის.
კანონპროექტის შემუშავება გამოწვეულია იმ მძიმე სოციალური მდგომარეობით, რომელიც ქვეყანაში შექმნილი.
საქართველოს შრომის, ჯანმრთელობისა და სოციალური დაცვის სამინიტსტროს მიერ დამტკიცებულია მინიმალურ სამომხმარებლო კალათაში შემოავალი საკვები პროდუექტების ნუსხა და ნორმატივები, როგორიცაა ხორბლის პური, ხორბლის ფქვილი, ბურღულეული, მაკარონის ნაწარმი. ბრინჯი, შაქარი, ყველი, ხაჭო, მცენარეული ზეთი და სხვა ნაწარმი, რომელთა მიღება აუცილებელია ადამიანის ფიზიოლოგიური არსებობისთვის. რაც სამწუხაროდ ხელმიუწვდომელია საზოგადოების სოციალურად დაუცველი ნაწილისათვის, როგორიცაა პენსიონერები, სიღარიბის ზღვარს ქვემოთ მყოფი მოქალაქეები, უმუშევრბი, მრავალშვილიანები და ა.შ. რომელთა შემოსავლები მკვეთრად ჩამოუვარდება საარსებო მინიმუმით განსაზღვრულ ოდენობას.
კანონპროექტის ინიციატორები მიიჩნევენ, რომ ამ მდგომარეობას აუარესებს სამომხმარებლო ბაზარზე საკვებ პროდუქტებზე ფასის მკვეთრი ზრდა. რაც ნიშნავს ამ მოქალაქეების სიცოცხლისა და ჯანმრთელობის საფრთხის ქვეშ დაყენებას.
კიდევ ერთი მიზეზი კანონპროექტის შემუშავებისა არის მონოპოლიური მდგომარეობის მქონე არაკეთილსინდისიერი სამეწარმეო სუბიექტების მიერ საკუთარი მდგომარეობის გამოყენებით საკვებ პროდუქტებზე სპეკულატიური, ხელოვნურად გაზრდილი ფასების დადგენა.
