რეალურ საფრთხეს რეგიონში საქართველოში არსებული სამხედრო-მიკრობიოლოგიური ლაბორატორია წარმოშობს, - განაცხადა რუსეთის დუმის დეპუტატმა, გენადი ონიშენკომ „რია ნოვოსტისთვის“ მიცემულ ინტერვიუში.
ონიშენკოს ამ განცხადებამდე ეუთოს საპარლამენტო ასამბლეამ რეზოლუცია მიიღო, სადაც დაგმო რუსეთის ქმედებები ოკუპირებული აფხაზეთისა და სამხრეთ ოსეთის ტერიტორიაზე და მოუწოდა რუსეთს, უკან გაიწვიოს ოკუპირებული რეგიონების აღიარება.
„ვიზიარებ პოზიციას, რომ ამიერკავკასიის მილიტარიზაცია დღესდღეობის უაღრესად საფრთხის შემცველია, მაგრამ სამწუხაროდ, ამ რეზოლუციის პროექტში ნახსენებებიც არ არის ეს სამხედრო-მიკრობიოლოგიური ბაზა, რომელიც თბილისის სიახლოვეს მდებარეობს. ეს ქართული ლაბორატორია, დანამდვილებით საფრთხისშემცველია ადამიანის უფლებებისა და უსაფრთხოებისთვის საქართველოში, და არა მხოლოდ მათთვის, ის საფრთხისშემცველია მთელი კავკასიისა და შავიზღვისპირეთის რეგიონისთვის, და ეს 12 ქვეყანაა, მათ რიცხვშია თურქეთი, რუსეთი, უკრაინა“, - განაცხადა ონიშენკომ.
