საქართველოში აშშ-ის საგანგებო და სრულუფლებიანი ელჩის მოვალეობის შემსრულებელი ელიზაბეთ რუდი ეხმიანება რუსეთის დუმის დეპუტატის განცხადებას იმის თაობაზე, რომ ოკუპირებული აფხაზეთი და სამხრეთ ოსეთი არასოდეს დაბრუნდებიან საქართველოს შემადგენლობაში.
"რუსეთის დუმის ზოგიერთმა დეპუტატმა შესაძლოა ასე თქვას, მაგრამ ეს არ არის მართალი. რა თქმა უნდა, აფხაზეთი და სამხრეთ ოსეთი საქართველოს განუყოფელი ნაწილია. აშშ მტკიცედ უჭერს მხარს საქართველოს ტერიტორიულ მთლიანობას და იმავეს მოვუწოდებთ რუსეთს. ასევე შეასრულოს 2008 წლის ცეცხლის შეწყვეტის ხელშეკრულება და უკან წაიღოს აფხაზეთისა და სამხრეთ ოსეთის ეგრეთ წოდებული აღიარება," - განაცხადა ელიზაბეთ რუდმა.
