ტელეკომპანია "იმედის" ეთერში პარლამენტის ვიცე-სპიკერმა თამარ ჩუგოშვილმა 20-21 ივნისს განვითარებულ მოვლენებზე ისაუბრა.
ჩუგოშვილის თქმით, მნიშვნელოვანია მ მოვლენების პოლიტიკური და სამართლებრივი შეფასება.
"ტრაგიკულია, რომ შტურმის მოგერიების დროს ძალის გამოყენება უბრალოდ გარდაუვალი გახდა. 80 პოლიციელი იყო მათ შორის დაშავებული - 30 პოლიციელი შეათრიეს ბრბოში და მათ საშინელი დაზიანებები მიიღეს. პირდაპირ ყველამ ვიხილეთ უმძიმესი კადრები ამ შტურმის და შეტევის, რომელიც თითქოს არ ყოფილა, „ნაციონალური მოძრაობის" წარმომადგენლებს რომ მოვუსმინოთ, თითქოს მოგველანდა ეს ყველაფერი და თითქოს არ გვინახავს ამ მოვლენების ცოცხალი კადრები", - განაცხადა ჩუგოშვილმა.
მისივე თქმით, ასეთმა ქმედებებმა ძალის გამოყენება გარდაუვალი გახადა და მძიმე შედეგები დააყენა.
"ჩვენ მივიღეთ დაზიანებული ადამიანები, რომლებმაც მიიღეს მათ შორის ისეთი დაზიანებები, რომლებიც შეუქცევადია", - დასძინა მან.
ჩუგოშვილი ადამიანების დაშავებას ტრაგედიად აფასებს, ასევე, ამბობს, რომ ძალის გამოყენების გარეშე შტურმის მოგერიება შეუძლებელი იყო.
"ფიზიკურად შეუძლებელი იყო შტურმის მოგერიების დროს ძალის გამოუყენებლობა, უბრალოდ ამის სივრცე აღარ იყო. სამართალდამცავები საათების განმავლობაში იდგნენ და ითმენდნენ სადამდეც შეეძლოთ, ფიზიკურად სადამდეც უძლებდნენ ამ თავდასხმებს", - ამბობს დეპუტატი და ხაზს უსვამს, რომ ამ მოვლენებზე პოლიტიკური პასუხისმგებლობა უნდა აიღოს ვინც მშვიდობიანი პროტესტი პარლამენტთან შტურმში გადაიყვანა.
