რუსეთის საგარეო საქმეთა მინისტრის მოადგილე გრიგორი კარასინი ჟურნალისტებთან საუბრისას აცხადებს, რომ ჟენევის საერთაშორისო მოლაპარაკებების ალტერნატივა არ არსებობს.
"ჩვენ არავითარი ალტერნატივა არ გვაქვს: ეს ერთადერთი ფორმატია, რომელშიც ვხვდებით საქართველოს, აფხაზეთის და სამხრეთ ოსეთის წარმომადგენლებს. სხვა ფორმატი არ არსებობს. ან უნდა შევიკრიბოთ ჟენევაში, ან გავზარდოთ შეიარაღებული ძალები და ვიომოთ. ამას უხეშად ვამბობ, მაგრამ ჟენევის დისკუსიები - სამხრეთ კავკასიაში ნევროზულობის და ნეგატივის დაგროვების საწინააღმდეგოდ კარგი საშუალებაა", - აღნიშნა გრიგორი კარასინმა.
ჟენევის საერთაშორისო მოლაპარაკებებთან დაკავშირებით განცხადება გაავრცელა რუსეთის საგარეო საქმეთა სამინისტრომ და განაცხადა, რომ ამ მეტად მნიშვნელოვან მოლაპარაკებებს თბილისში, 20-21 ივნისს განვითარებულმა მოვლენებმა ჩრდილი მიაყენა.
შეგახსენებთ, 2019 წლის 2-3 ივლისს გაიმართა ჟენევის საერთაშორისო მოლაპარაკებების 48-ე რაუნდი.
