პარტია "ერთიანი საქართველო - დემოკრატიული მოძრაობის" ლიდერი ნინო ბურჯანაძე მმართველი პარტიის მიერ შემოთავაზებულ ინიციატივას, პროპორციულ საარჩევნო სისტემაზე გადასვლის შესახებ, აფასებს და მიიჩნევს, რომ ეს ინიციატივა ძალიან მნიშვნელოვანია და ამას ხელი არაფერმა არ უნდა შეუშალოს.
"ხელისუფლებამ მართლაც მიიღო ერთადერთი სწორი გადაწყვეტილება, მეტ-ნაკლებად კონფლიქტის რაღაც ჩარჩოებში მოსაქცევად და იმისათვის, რომ მომავალში ქვეყანა ნორმალურ გზას დაადგეს. პროპორციული არჩევნები არის საერთო მონაპოვარი როგორც პოლიტიკური ძალების, ასევე საზოგადოების, ეს მნიშვნელოვანია და არაფერმა არ უნდა შეუშალოს ხელი პროპორციული საარჩევნო სისტემაზე გადასვლას", - განაცხადა ნინო ბურჯანაძემ.
შეგახსემენთ, დღეს, 1-ელ ივლისს, სასტუმრო "შერატონ მეტეხი პალასში", პოლიტიკურმა გაერთიანებამ "ქართული ოცნება-დემოკრატიული საქართველომ" საკონსტიტუციო ინიციატივა "პროპორციული არჩევნები 2020"-ის პრეზენტაციას გამართა.
პრეზენტაციას ესწრებოდა ოპოზიციური პარტიის ნაწილი, დავით უსუფაშვილი, "გირჩიდან" იაგო ხვიჩია, ალეკო ელისაშვილი და ნინო ბურჯანაძე.
