მე ჩავთვალე აუცილებლად, რომ გამეკეთებინა ეს განცხადება. ასჯერ რომ მომიწიოს, ასჯერვე იგივეს გავაკეთებდიმ - განაცხადა ტელეკომპანია „პირველის“ ეთერში ნაციონალური მოძრაობის ლიდერმა ნიკა მელიამ.
მისი თქმით, ის მხოლოდ პარლამენტის შენობა არ იყო, იქ შეიბღალა ეროვნული ღირსებაც, „ყველა ღირსება აყრილი ვიდექით იქ“.
„ ასჯერ თუ მომეცემა შესაძლებლობა, რომ გადავახვიოთ და 20 ივნისს აღმოვჩნდე, მთელი დღის პერიპეტიების შემდეგ, რასაც ვუსმენდი ხელისუფლების მხრიდან, სხვა განცხადებას არც გავაკეთებდი. იმიტომ, რომ ნაცვლად იმისა, რომ ვინმე პასუხისმგებლობის მქონე პირი მაინც გამოსულიყო და ეთქვა, რომ შეეშალათ და ახლავე გაკეთდება გაცხადება კობახიძის მხრიდან და იგი დატოვებს თანამდებობას, ან თვითონ გამოვიდოდა და დატოვებდა თანამდებობას. წარმოუდგენელი რამ მოხდა, ნებსით თუ უნებლიეთ, ფაქტია, რომ აგრესორი ოკუპანტი საქართველოს სახელმწიფოებრიობის ძალიან ცნობილი მტერი აღმოჩნდა პარლამენტის თავმჯდომარის სავარძელში. ამიტომ, მე ჩავთვალე აუცილებლად, რომ გამეკეთებინა ეს განცხადება. ასჯერ რომ მომიწიოს, ასჯერვე იგივეს გავაკეთებდი, ჩემთვის ის მხოლოდ პარლამენტის შენობა არ იყო, იქ შეიბღალა ეროვნული ღირსებაც, ყველა ღირსება აყრილი ვიდექით იქ”, -თქვა მელიამ.
