შინაგან საქმეთა მინისტრი, გიორგი გახარია იმ პირებს, რომლებმაც რესპუბლიკის მოედანზე მისი მხარდამჭერი აქცია დააანონსეს მადლობას უხდის და ორგანიზატორებს სთხოვს “გადაიფიქრონ“.
„კონტრაქციის შესახებ პირველად მესმის. გეთანხმებით, რომ მსგავსი ღონისძიებები არ არის საჭირო. მინდა თითოეულ ადამიანს მადლობა ვუთხრა და ვთხოვო, როდესაც მოქალაქეებთან ერთად ვცდილობთ დავწიოთ ტემპერატურა, ვებრძოლოთ პოლარიზაციას, მსგავსი აქციები მხოლოდ ხელს გვიშლის, რა მოტივითაც არ უნდა ტარდებოდეს, მინდა გულწრფელად ვთხოვო და დავარწმუნო, რომ მსგავსი აქციები არ არის საჭირო. მინდა ვთხოვო თითოეულ მოქალაქეს, ვინც მსგავს ღონისძიებას აორგანიზებს, გადაიფიქრონ”,- განაცხადა გახარიამ.
შეგახსენებთ, რომ დღეს, საღამოს შვიდ საათზე, რესპუბლიკის მოედანზე გიორგი გახარიას მხარდამჭერები აქციას გამართავენ.
