ოკუპირებული აფხაზეთის ე.წ. ხელისუფლებამ ე.წ. გამშვები პუნქტი, ენგურის ხიდი ჩაკეტა. სახელმწიფო უსაფრთხოების სამსახურის ცნობით, აღნიშნული ქმდება საქართველოს ხელისუფლების მხრიდან აღქმულია, როგორც თავისუფლად გადაადგებილების უკანონო შეზღუდვა.
"აღნიშნული საქართველოს ცენტრალური ხელისუფლების მხრიდან, ცალსახად, განიხილება, როგორც მოსახლეობისთვის თავისუფალი გადაადგილების უფლების უკანონო შეზღუდვა, რაც ართულებს ადგილობრივების ყოველდღიურ ცხოვრებას, მიზნად ისახავს მოსახლეობის იზოლაციას და საფრთხეს უქმნის ადგილზე არსებულ უსაფრთხოების გარემოს.
აღნიშნულთან დაკავშირებით ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია“, - აღნიშნულია სახელმწიფო უსაფრთხოების სმსახურის მიერ გავრცელებულ განცხადებაში.
ოკუპირებული აფხაზეთის ე.წ. ხელისუფლების განცხადებით, საქართველოში იმართება პროვოკაციული ხასიათის მასობრივი საპროტესტო აქციები, რომელიც "აფხაზეთის სახელმწიფოებრიობას" ეხება.
ფოტო: თამარ ზანთარაია/რადიო თავისუფლება
