საქართველოს პარლამენტის პლენარულ სხდომაზე ცნეს მთაწმინდის მაჟორიტარი დეპუტატის, ლადო კახაძის უფლებამოსილება.
კენჭისყრის შედეგების მიხედვით, უფლებამოსილების ცნობას მხარი 87-მა დეპუტატმა დაუჭირა, წინააღმდეგ არავინ წასულა.
საქართველოს პარლამენტის 2019 წლის 19 მაისის შუალედური არჩევნების საბოლოო შედეგების შესაბამისად, „ქართული ოცნება - დემოკრატიული საქართველოს“ კანდიდატმა ვლადიმერ კახაძემ - 10 749 (61,83%) ხმა მიიღო.
