პარლამენტის პლენარული სხდომის დასრულების შემდეგ, უმრავლესობის დეპუტატმა გია ვოლსკიმ ნიკა მელიასთვის იმუნიტეტის მოხსნის შესახებ ჟურნალისტებთან კომენტარი გააკეთა.
"პოლიტიკურ რეპრესიებს მე მოველოდი მაშინ თუკი რეალურად განხორციელდებოდა ის პროექტი რაც ჩვენს ოპონენტებს, (ყველას არა რასაკვირველია) ჰქონდათ ჩაფიქრებული. აი, მაშინ ნამდვილად იქნებოდა ბევრი მაგალითი იმისა, რასაც ქვია პოლიტიკური დევნა და ოპონენტებთან პოლიტიკური ანგარიშსწორება", - თქვა ვოლსკიმ.
გია ვოლსკის თქმით, ნიკა მელია ციხეში არ წასულა და ის სასამართლოს წინაშე წარსდგება .
"ციხეში არ წასულა ნიკანორ მელია, ჩვენ ველოდებით სასამართლოს, მაგალითად, გეტყვით ირაკლი ბათიაშვილი 7 წლით გაუშვა ნაციონალურმა მოძრაობამ ციხეში, შემიძლია კიდევ ძალიან ბევრი მაგალითი მოვიყვანო რომელიც თქვენ არ იცით’’,- განაცხადა გია ვოლსკიმ.
