"საერთოდ ადამიანის უფლებებზე საუბრის უფლება არა გაქვთ თქვენ", - ასე მიმართა საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ სოფიო კილაძემ ოპოზიციის წარმომადგენლებს იურიდიული და საპორცედურო საკითხთა კომიტეტების გაერთიანებულ სხდომაზე.
"რა თქმა უნდა ყველა ვაცნობიერებთ, რომ ეს არის ძალიან დიდი მნიშვნელობის საქმე და ჩვენ გვიყურებს ჩვენი საზოგადოება და გვიყურებს ჩვენი საერთაშორისო პარტნიორები. ჩვენ ძალიან ღირსეულად უნდა გავუძღვეთ ამ პროცესს. ერთი საკითხი არის, რომ თუ არის დანაშაულის ნიშნები, სახელმწიფომ ამას ადეკვატური პასუხი უნდა გასცეს, მეორე მხრივ მნიშვნელოვანი არის ეს პროცესი წარიმართოს ადამიანის უფლებების სრული დაცვით და ჩვენი გუნდი უნდა იყოს გარანტი და იქნება კიდეც, რომ ამ პროცესში, არ ვიცი მე ეს როგორ დასრულდება, მაგრამ ამ პროცესში სრულად იყოს დაცული მათ შორის ჩვენი ოპონენტების უფლებები, ის უფლებები, რომლებიც მას, ბატონ ნიკა მელიას საქართველოს კონსტიტუციით აქვს მიცემული. მე მესმის თქვენი გუნდის მხრიდან, რომ ეს წარმოუდგენელია თქვენთვის, რომ პოლიტიკური ოპონენტის კუთხით კი არა, საერთოდ ადამიანის უფლებებზე საუბრის უფლება არა გაქვთ თქვენ, მაგრამ ჩვენ ვართ ის გუნდი, რომელმაც ეს უნდა გააკეთოს, იმიტომ რომ ეს ვალდებულება გვაქვს ჩვენ საქართველოს კონსტიტუციით", - განაცხა სოფო კილაძემ.
შეგახსენებთ, ამ წუთებში, პარლამენტში, იურიდიულ და საპროცედურო საკითხთა კომიტეტების გაერთიანებულ სხდომაზე მსჯელობენ დეპუტატ ნიკანორ მელიასთვის იმუნიტეტის მოხსნის თაობაზე.
საქართველოს გენერალურმა პროკურატურამ საქართველოს პარლამენტს მიმართა მოუხსნას ნიკანორ მელიას სადეპუტატო უფლებამოსილება. პროკურორატურას ნიკა მელიას დაკავება სურს. საგამოძიებო უწყება ერთიანი ნაციონალური მოძრაობის ერთ-ერთ ლიდერს 20-21 ივნისს პარლამენტის წინ გამართულ აქციაზე ჯგუფური ძალადობის ორგანიზებას, ხელმძღვანელობასა და მასში მონაწილეობას ედავება.
