ესტონეთის პრეზიდენტი კერსტი კალიულაიდი რუსეთის დაბრუნებას ევროსაბჭოს საპარლამენტო ასამბლეაში სამარცხვინოს უწოდებს და ამისთვის საპარლამენტო ასამბლეას მკაცრად აკრიტიკებს.
"გუშინ, ღამით, ევროსაბჭოს მიერ მიღებული გადაწყვეტილება რუსეთის დელეგაციისთვის ხმის მიცემის უფლების აღდგენასთან დაკავშირებით, სამარცხვინოა. არაერთი მიზეზი, რომლის გამოც რუსეთს ჩამორთმეული ჰქონდა ხმის უფელბა, არ გამქრალა", - წერს ესტონეთის პრეზიდენტი მიკრობლოგ "ტვიტერზე".
შეგახსენებთ, ევროსაბჭოს საპარლამენტო ასამბლეამ რუსეთის დელეგაცია ივნისის სესიაში მონაწილეობისთვის მიიწვია. შესაბამისი რეზოლუცია ასამბლეამ ცხრასაათიანი განხილვის შემდეგ მიიღო.
პარლამენტარებმა რეგლამენტში ცვლილება შეიტანეს, რომელიც რუსეთს შესაძლებლობას აძლევს ორგანიზაციაში დაბრუნდეს.
"წევრების ხმის მიცემის, ასამბლეაში გამოსვლისა და წარმომადგენელბის ყოლი უფლება მის ორგანოებში არ შეჩერდება და არ ანულირდება“, - ნათქვამია დოკუმენტის ტექსტში.
საქართველოს, უკრაინისა და ბრიტანეთის დელეგაციებმა რეზოლუციაში 222 შესწორება შეიტანეს, თუმცა ევროსაბჭოს საპარლამენტო ასამბლეამ მხოლოდ ერთი მიიღო.
