ანალიტიკოსმა გია აბაშიძემ სატელევიზიო ეთერში 20-21 ივნისს რუსთველის გამზირზე განვითარებულ მოვლენებზე, პოლიტიკურ პასუხისმგებლობასა და დღეს, მმართველი გუნდის მიერ მიღებულ გადაწყვეტილებაზე ისაუბრა. ექსპერტის შეფასებით პასუხისმგებლობა უნდა იკისროს ყველა ადამიანმა, მიუხედავად პოლიტიკური პარტიის წევრობისა.
"პასუხისმგებლობა უნდა იკისროს ყველა ადამიანმა, იმან, ვინც წააქეზა ძალადობაზე და პოლიციელზე თავდასხმაზე. ეს იყო პოლიციელზე თავდასხმა და ძალისმიერი შეჭრის მცდელობა პარლამენტში. იმან, ვინც არამართლზომიერად გამოიყენა ის არალეტალური იარაღი, რომელიც კანონიერია ჯერ კიდევ 2009 წლიდან - 2007-2009 წლებში იყენებდა ნაციონალური მოძრაობის მთავრობა, მაგრამ უკანონოდ. 2009 წელს, ივნისში ჩადეს კანონში და შემდეგ იყენებენ.
აქ დგება პოლიტიკური პასუხისმგებლობა, მორალური პასუხისმგებლობა, რასაც ზოგიერთი პოლიტიკოსი, "პოლიტიკანი" დიდი ხანია მიჩვეულია, რომ აარიდოს თავი პასუხისმგებლობას და შეატოვოს ხოლმე ადამიანები, რომლებიც წააქეზა, უკანონო ქმედებებში ჩაითრია და შემდეგ გაერიდოს იქაურობას. მაგრამ აქ არის სამართლებრივი პასუხისმგებლობა, რომელიც უნდა დაეკისროს ნებისმიერს. პოლიტიკური პარტიის წევრობა, თუ პოლიტიკოსობა არ აქვს მნიშვნელობა, რომელი პარტიის არ გაძლევს შენ გარკვეულწილად, ე.წ."ინდუგლენციას" რომ რაღაც-რაღაცები დააშავო და შემდეგ განერიდო. ამიტომ საჭიროა სამართლებრივი პასუხისმგებლობა, რომ შემდეგ იყოს დეტალურად შესწავლილი ვინ რა გააკეთა.
ბუნებრივი ნებისმიერი მმართველი გუნდი, ნებისმიერ ქვეყანაში ვერ ითანამშრომლებს დესტრუქციული და ანტიკონსტიტუციური ქმედებებისკენ მომწოდებელ პოლიტიკოსებთან და "პოლიტიკანებთან."
დაველოდოთ სამართლებრივ რეაგირებას როგორი უნდა იყოს, მათთვის ვინც წააქეზა და ვინც გადაამეტა იმ ძალისმიერ მეთოდებს დაშლისას,"- განაცხადა გია აბაშიძემ.
