საქართველოს მეოთხე პრეზიდენტი დღეს პარლამენტის წინ მივიდა. მან საქართველოს პოლიციას მოუწოდა ქართველის ხალხის წინააღმდეგ, რომლებიც დამოუკიდებლობას და ქვეყნის ღირსებას იცავენ ძალა აღარ გამოიყენოს.
"დღეს როგორც არ უნდა განვითარდეს პოლიტიკური მოვლენები, მე მინდა ვთხოვო საქართველოს პოლიციას აღარ იძალადონ საქართველოს მოქალაქეებზე, რომელებიც იცავენ საქართველოს ღირსებას.", განაცხადა გიორგი მარგველაშვილმა.
ყოფილმა პრეზიდენტმა თქვა, რომ "დღეს არ შემეძლო არ მოვსულიყავი აქ, სადაც 30 წლის წინ რუსეთის იმპერიის გამომდინარე დაიღვარა ქართველი ახალგაზრდების სისხლი. გუშინ ღამეც, აქ, დაიღვარა ქართველი ხალხის სისხლი და მიზეზი იყო რუსეთის იმპერიის ინტერესების დაცვა. 30 წლის წინ, აქ იდგნენ ქართველი პოლიციელები და ისინი იცავდნენ დემონსტრანტებს, ჩვენ დღემდე მათი მადლობელი ვართ. დღეს, როგორც არ უნდა განვითარდეს პოლიტიკური მოვლენები, მე მინდა ვთხოვო ჩვენს პოლიციას აღარ იძალადოს საქართველოს მოქალაქეებზე, იმ ახალგაზრდებზე, ვინც იცავს საქართველოს სუვერენიტეტს, ღირსებას, იცავენ იმას, რომ რუსებს არასდროს გაუვათ მივიღოთ მათი რეალობა. არასდროს რუსული დროშა არ იფრიალებს ამ პარლამენტის შენობაზე“.
