ამ წუთებში პარლამენტის წინ საპროტესტო აქცია სერგეი გავრილოვის გარშემო განვითარებული მოვლენების გამო იმართება. აქციაზე მოქალაქეებთან ერთად იმყოფებიან ოპოზიციური პარტიების წარმომადგენლები და აგვისტოს ომში დაღუპული გმირების დედები.
აქციაზე აგვისტოს ომში დაღუპული გმირის ვახტანგ გზირიშვილის დედა, მარინა გზირიშვილიც იმყოფება. მისი განცხადებით დღეს ქვეყანაში უიარაღო ომი იყო და საქართველოში იმყოფებოდა საქართველოს მტერი.
"დღეს უიარაღო ომი იყო საქართველოში, დღეს ჩამოვიდა ჩვენს ტერიტორიაზე, ჩასვეს პარლამენტის თავმჯდომარის სავარძელში ჩვენი ქვეყნის მტერი.
რატო არ უნდათ შეიგნონ რუსეთი ოკუპანტია,რუსეთი ჩემი ჩვენი საქართველოს მტერია. არანაირი რუსეთი, არანაირი მორიგება, არანაირი ლაპარაკი,რისთვის იომეს ჩვენმა შვილებმა, ძმებმა, მეუღლეებმა, იმისთვის შეაჩერეს რუსული ჯარი 2008 წელს, რომ ამ ზოგიერთმა ვითომ პოლიტიკოსებმა, სამშობლოს მოღალატეებმა სახლში შემოგვიყვანეს უკვე, სახლში დაგვისვეს, მე ამას არ ვაპატიებ. ეს ყოვლად დაუშვებელია.
იმათი პასუხისმგებლობის საკითხი უნდა დადგეს ვინც უშუალოდ მოიწვია რუსეთის წარმომადგენელი საქართველოში, ვინც გაუმზადა პარლამენტის თავმჯდომარის სავარძელი,“-განაცხადა მარინა გზირიშვილმა.
