რუსეთის სახელმწიფო თანამდებობის პირების ოფიციალური ვიზიტი საქართველოში იკრძალება საქართველოს კანონმდებლობით, აცხადებს საგარეო საქმეთა მინისტრის ყოფილი მოადგილე ნინო კალანდაძე. კალანდაძე სოციალურ ქსელში წერს, რომ რუსი დეპუტატის მიღება სახელმწიფო უწყებებში არის ქართული სახელმწიფო ინსტიტუტების წაბილწვა.
"საქართველოს და რუსეთს შორის არ არსებობს დიპლომატიური ურთიერთობები.
რუსეთის სახელმწიფო თანამდებობის პირების ოფიციალური ვიზიტი საქართველოში იკრძალება საქართველოს კანონმდებლობით და არღევეს საერთაშორისო და დიპლომატიური ურთიერთობების ფუნდამენტურ პრინციპებს.
რუსი დეპუტატის მიღება სახელმწიფო უწყებებში საქართველოს ხელისუფლების მიერ არის ქართული სახელმწიფო ინსტიტუტების წაბილწვა და მიზანმიმართული ქმედება ქართული სახელმწიფოებრიობის წინააღმდეგ, რაც არის დანაშაული და ქვეყნის და ქართველი ხალხის ღია ღალატი.
ივანიშვილი და მისი მთავრობა არის მოღალატე კოლაბორაციონისტული ძალა, რომელიც ემსახურება ოკუპანტს ქართული სახელმწიფოებრიობის წინააღმდეგ", წერს ნინო კალანდაძე.
