ნამდვილად ვღელავ, მადლობა მინდა გადავუხადო, პრემიერ-მინისტრს ნდობისთვის და ბატონ დავითს რეკომენდაციისთვის - განაცხადა ჯანდაცვის ახალმა მინისტრმა ეკატერინე ტიკარაძემ, რომელიც მინისტრის პოსტზე დღეს პრემიერმა წარადგინა.
ტიკარაძის განცხადებით, მისი მიზანი იქნება რომ რეგიონში ყველაზე წარმატებული და ადამიანზე ორიენტირებული ჯანდაცვის სისტემა ჩამოყალიბდეს.
„ჩვენი შემდგომი ეტაპი ისახავს მეორე ფაზის განხორციელებას, რომელიც გულისხმობს მეტად ეფექტურ და მიზნობრივ მართვას. პრიორიტეტად რჩება ისეთი საკითხები, როგორიც არის პაციენტის უფლებების დაცვა, მკურნალობის ხარისხი, ფარმაცევტული ბაზის იმგვარად მოწესრიგება, რომ ჩვენი მომხმარებლისთვის ხელმისაწვდომი გახდეს ხარისხიანი მედიკამენტები. ასევე მთელი რიგი პრობლემები დაკავშირებული სოციალურ სფეროსთან დევნილებთან დაკავშირებით და შრომის უსაფრთხოებასთან დაკავშირებით კვლავ რჩება დიდი გამოწვევად. დარწმუნებული ვარ, გავაკეთებთ ყველაფერს და პერსპექტივაში მივიღებთ რეგიონში წარმატებულ და ადამიანზე ორიენტირებულ სისტემას“, - განაცხადა ტიკარაძემ.
პრემიერ-მინისტრმა ჯანდაცვის მინისტრის პოსტზე ეკატერინე ტიკარაძე დღეს წარადგინა. ეკატერინე ტიკარაძე საჩხერის საავადმყოფოში 2009 წლიდან მუშაობს, 2015 წელს კი მან კლინიკის დირექტორის პოსტი დაიკავა.
