პრეზიდენტის ვიზიტის შემდეგ, დიპლომატებს კიდევ უფრო მეტად ეხსნებათ გზა, რომ საკითხების ლობირება განაგრძონ და მაქსიმალურ შედეგებს მიაღწიონ - განაცხადა გაეროს ჟენევის ოფისსა და სხვა საერთაშრისო ორგანიზაციებში საქართველოს მუდმივმა წარმომადგნელმა ვიქტორ დოლიძემ საქართველოს პრეზიდენტის ჟენევაში სამუშაო ვიზიტის მნიშვნელობაზე საუბრისას.
"მსგავსი ვიზიტების შემდგომ დიპლომატებს კიდევ უფრო მეტად ეხსნებათ გზა, რომ შესაბამისი საკითხების ლობირება განაგრძონ და მაქსიმალურ შედეგებს მიაღწიონ, რაც ჩვენს თანამოქალაქეებს წაადგება მათი განვითარების, მათი უკეთესი მომავლის გზაზე", - განაცხადა დოლიძემ.
ჟენევაში, შრომის საერთაშორისო ორგანიზაციის 108-ე კონფერენციაზე და ორმხრივ შეხვედრებზე საქართველოს პრეზიდენტი ისაუბრებს საქართველოში მიმდინარე რეფორმებზე, ადამიანის უფლებათა დაცვის, უსაფრთოხების, დეოკუპაციის, ჯანდაცვის, ეკონომიკური საკითხებზე, სოციალური თანასწორობის თემებზე. მათ შორის, შრომის ინსპექტორის ინსტიტუტის დაარსებაზე და მისი ჰარმონიზაციის პროცესზე.
ვიქტორ დოლიძის განცხადებით, პრეზიდენტი შეხვედრებზე ყურადღებას გაამახვილებს ასევე ცირკულარული მიგრაციის საკითხებზე, რომელიც ჩვენს თანამოქალაქეებს ხელს უწყობს უცხოეთში ლეგალურ საქმიანობაში და რაც არალეგალურ მიგრაციასთან გამკლავებაში დაგვეხმარება.
შეგახსენებთ, სალომე ზურაბიშვილი ჟენევაში შრომის საერთაშორისო ორგანიზაციის 100 წლისთავისადმი მიძღვნილ კონფერენციაში მიიღებს მონაწილეობას.
