დიდი ბრიტანეთს საგარეო საქმეთა სამინისტრომ ყოველწლიური ანგარიში - "ადამიანის უფლებები და დემოკრატია" - გამოაქვეყნა, სადაც აღნიშნულია რუსეთის ოკუპაციური რეჟიმის ქმედებები საქართველოს ტერიტორიაზე, ოკუპირებულ აფხაზეთსა და ცხინვალის რეგიონში.
"2018 წელს აღინიშნა რუსეთ-საქართველოს კონფლიქტის 10 წლისთავი. რუსეთის ჩარევა და გავლენა აფხაზეთსა და სამხრეთ ოსეთში ხელს უწყობს ადამიანის უფლებების დარღვევას. ადგილი აქვს ასევე სამოქალაქო საზოგადოების დაშინებას. ადმინისტრაციული საზღვრის გასწვრივ გავლებული მავთულხლართები და დაკეტილი გადასასვლელი პუნქტები ზღუდავს გადაადგილების თავისუფლებას. ეს გავლენას ახდენს და ზღუდავს ხელმისაწვდომობას განათლების, ჯანდაცვისა და საკუთრების უფლებაზე. არსებობს სარწმუნო ცნობები ეთნიკური ქართველების მიმართ დისკრიმინაციულ მოპყრობაზე", - აღნიშნულია ანგარიშში.
ანგარიშში ასევე აღნიშნულია, რომ დიდმა ბრიტანეთმა მხარი დაუჭირა საქართველოს რეზოლუციებს გაეროს გენერალურ ასამბლეასა და გაეროს ადამიანის უფლებების საბჭოში.
