საქართველოს მესამე პრეზიდენტმა, მიხეილ სააკაშვილმა საქართველოს მოსახლეობას დამოუკიდებლობის დღე ვარშავის აჯანყების მუზუმიდან მიულოცა.
სააკაშვილმა ვარშავის აჯანყების მუზეუმში ქართველის ოფიცრების ძეგლი ყვავილებით შეამკო.
„მინდა მოგილოცოთ ყველას საქართველოს დამოუკიდებლობის დღე. ახლა ვიმყოფებით ვარშავაში, ვარშავის აჯანყების მუზეუმში, სადაც არის ძეგლი ქართველი ოფიცრების. ეს ქართველი ოფიცრების ძეგლი გაიხსნა პრეზიდენტ კაჩინსკის ინიციატივით, 2005 წელს. მე და მან ერთად გავხსენით და ეს არის ერთადერთი უცხოელი ოფიცრების ძეგლი, რომელიც არსებობს პოლონეთში, ამ მუზეუმში. ეს არის მართლაც დიდი პატივცემულობის გამოხატვა პოლონელების ქართველების მიმართ. ვინ იყვნენ ეს ქართველები. ეს ქართველი ოფიცრები იყვნენ ისინი, ვინც 1921 წელს ებრძოდნენ ბოლშევიკებს და შემდეგ ბოლშევიკები შემოვიდნენ საქართველოში იძულებულები გახდნენ დაეტოვებინათ საქართველო. პოლონეთის იმ დროინდელმა ლიდერმა საოფიცრო იგივე წოდებები მისცა მათ და მთლიანად ინტეგრაცია გაუკეთეს პოლონეთის არმიაში. პოლონეთის გენშტაბის უფროსი გახდა გენერალი სუმბათაშვილი. ეს არის ძალიან წარჩინებულილ ქართველი გენერალი. იყო ბევრი სხვა ოფიცერი.. ეს ხალხი იბრძოდნენ აქაც საქართველოსთვის, მათი იდეა იყო საქართველო აქაც. მინდა ვთქვა იმ იმ ხალხისთვის როცა კითხულობენ აბა უკრაინაში რას აკეთებს. როცა შენ ქვეყანაში არ გაყენებს, მტერი, საქართველოს მტერი, შენი ქვეყნისთვის იბრძვი იქ, სადაც არის საბძოლველი. ამიტომ ჩვენი მებრძოლები ამიტომ იბრძვიან უკრაინაში, მეც ამიტომ წავედი უკრაინაში“, - განაცხადა სააკაშვილმა.
