თბილისის მერიის მულტიფუნქციური ბიბლიოთეკების ვაკის მედიათეკა 14, 15 და 16 მაისს, ხოლო ვარკეთილის ფილიალი 17, 18 და 19 მაისს დაიხურება. ამის მიზეზი ფილიალებში დაგეგმილი სარემონტო სამუშაოებია.
ორივე ფილიალში გამოიცვლება იატაკის საფარი, ასევე ჩატარდება სხვა სახის სამუშაოები.
შეგახსენებთ, რომ ვეტერანთა კულტურისა და დასვენების პარკში მიმდინარე სარეაბილიტაციო სამუშაოების გამო, შეცვლილი განრიგით მუშაობს ნაძალადევის მედიათეკაც - 10-სან 19:30 საათამდე. ეს განრიგი შენარჩუნდება რამდენიმე თვის განმავლობაში, პარკში სამუშაოების დასრულებამდე.
თბილისის მულტიფუნქციური ბიბლიოთეკების გაერთიანების ხელმძღვანელობა ბოდიშს გიხდით შექმნილი დისკომფორტის გამო.
