საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე, პროექტის „პოლიტიკა სამსჯავროზე“ ფარგლებში, 2 მაისს კიდევ ერთი საინტერესო სამსჯავრო გაიმართა. ამჯერად ერთმანეთს დაუპირისპირდენენ თბილისის საჯარო სკოლების უფროსკლასელებით დაკომპლექტებული გუნდები.
სოლომონ II-ის, უკანასკნელი ქართველი მეფის, იმერეთის სახელმწიფოს მეთაურის მიერ გატარებული პოლიტიკა იყო განხილული იმიტირებულ სასამართლო პროცესზე, რომელზედაც მე-11, 127-ე და 161-ე საჯარო სკოლების უფროსკლასელთა ნაკრები გუნდი ,,ლიბრა“ და 126-ე საჯარო სკოლის უფროსკლასელთა გუნდი ,,ლომსიანელები“ შეხვდნენ ერთმანეთს.
ცხადია, სოლომონ II-ის, არა როგორც წმინდანის, არამედ როგორც სახელმწიფოს მეთაურის ანუ საერო მოღვაწის მიერ გატარებული პოლიტიკა იქნა შესწავლილი. სხვანაირად, რა თქმა უნდა, მკრეხელობა იქნება და წარმოუდგენელიც არის ქართველ ადამიანს აზრად მოუვიდეს წმინდა სოლომონ II-ის, ამ დიდებული პიროვნების, სამშობლოსათვის თავდადებული ქართველის აუგად მოხსენიება და მით უმეტეს, გასამართლება.
მე-11, 127-ე და 161-ე საჯარო სკოლების უფროსკლასელთა ნაკრები გუნდი ,,ლიბრა“
მარი წეველიძე (11 სკ.) - კაპიტანი;
ქეთევან დურგლიშვილი (127 სკ.);
თამარ კაპანაძე (11 სკ.);
თამო კალანდია (127 სკ.);
ანა ლაზაშვილი (11 სკ.);
შოთა მშვენიერაძე (161 სკ.);
დავით ჩხობაძე (161 სკ.).
მენტორები:
პოლიტიკსა და საერთაშორისო ურთიერთოებების მიმართულებით პროფესორი: ლევან ოსიძე; სამართლის მიმართულებით: პროფესორი ნანა ხარაძე;
სტუდენტი მენტორი: ირინა მიქავა
126-ე საჯარო სკოლის უფროსკლასელთა გუნდი ,,ლომსიანელები“
რუსუდან დავითური - კაპიტანი;
ნინი ვარდანაშვილი;
ბარბარე კიკალეიშვილი;
მარი კიკალეიშვილი;
ელენე ლონდარიძე;
ალექსანდრე ტუღუში;
თაკო ჭყოიძე.
მენტორები:
პოლიტიკსა და საერთაშორისო ურთიერთოებების მიმართულებით: პროფესორი ზურაბ კვეტენაძე; სამართლის მიმართულებით: პროფესორი ვახტანგ სონღულაშვილი;
სტუდენტი მენტორი: ეთო აბაზაშვილი.
ნაფიცი მსაჯულების როლში მოგვევლინენ, სტუს-ს სამართლისა და საერთაშორისო ურთიერთობების ფაკულტეტის პროფესურ-მასწავლებლები.
შემდეგ ეტაპზე გადავიდა მე-11, 127-ე და 161-ე საჯარო სკოლების უფროსკლასელთა ნაკრები გუნდი ,,ლიბრა“.
სამართლისა და საერთაშორისო ურთიერთობების ფაკულტეტის დეკანი, პროფესორი ირაკლი გაბისონია: ფაკულტეტზე წარმატებით ამოქმედდა სასკოლო ფორმატიც პროფესორ კუპრაშვილის პროექტისა „პოლიტიკა სამსჯავროზე“. მოხარული ვარ, რომ სკოლის მოსწავლეებმა მომზადების შთამბეჭდავად მაღალი დონე გამოავლინეს. იმიტირებულმა სასამართლო პროცესმა აჩვენა, რომ პროექტი ხელს უწყობს უფროსკლასელებმა კიდევ უფრო განივითარონ სახელმწიფოებრივი და ანალიტიკური აზროვნება, დაეუფლონ მოლაპარაკებების ხელოვნებას, ჩამოიყალიბონ თანამშრომლობისა და გუნდური მუშაობის, საჯარო გამოსვლების, დებატების, სასამართლო პროცესებზე მონაწილეობის და კვლევითი მუშაობის უნარ-ჩვევები.
პროექტის ავტორი და ხელმძღვანელი, პროფესორი ჰენრი კუპრაშვილი: სკოლის მოსწავლეები, რომლებიც პოლიტიკას ან პოლიტიკურ მოღვაწეობას ირჩევენ საკუთარი უნარისა და შესაძლებლობების გამოსავლენად და დაინტერესებულნი არიან ცნობილი პოლიტიკური ფიგურებისა და პოლიტიკური პარტიების მიერ განხორციელებული პოლიტიკის შესწავლით, იმ კონტექსტში თუ რამდენად შეესაბამებოდა მათი წარმოებული პოლიტიკა ქვეყნის ეროვნულ ინტერესებს; ცდილობენ გაანალიზონ ამ პოლიტიკის დადებითი და უარყოფითი შედეგები, ისწავლონ შეცდომებზე და სახელისუფლებო პოლიტიკასთან კონტაქტის შემთხვევაში, შეეცადონ წარსული შეცდომების გამეორება აღარ დაუშვან; ამისათვის თამაშის ფორმატში იქმნება ბრალდებისა და დაცვის გუნდები და იმიტირებულ სასამართლო პროცესზე მსჯელობენ, არა პიროვნების, არამედ მის მიერ გატარებული პოლიტიკის ავკარგიანობაზე.
