საქართველოს პარლამენტის ეზოს ტერიტორიაზე სრულიად საქართველომ, ყველამ ერთად ავაშენოთ ტაძარი, - განაცხადა “ქართული ოცნების” დეპუტატმა, ალექსანდრე ერქვანიამ პარლამენტში სიტყვით გამოსვლისას.
„როგორც თქვენთვის ცნობილია, ამ ადგილას, სადაც ახლა ვიმყოფებით, აღმართული იყო მართლმადიდებლური ტაძარი, რომელიც საქართველოს გასაბჭოების შემდეგ, კომუნისტურმა მთავრობამ დაანგრია. ტაძრის ნანგრევებზე საერთოდ ვერავინ და ვერაფერი ვერ ხარობს, ამიტომ მოგმართავთ ინიციატივით, საქართველოს პარლამენტის ეზოს ტერიტორიაზე სრულიად საქართველომ, ყველამ ერთად ავაშენოთ ტაძარი და გადავდგათ ნაბიჯები საერთო-სახალხო ერთიანობის მისაღწევად.
შეგვეწიოს ყოვლადწმინდა ღვთისმშობელი და მისი მეოხებით, ღმერთმა ინებოს, ჩვენი ქვეყნისა და ერის გამთლიანება“, - თქვა ერქვანიამ
