ყაზახეთი საქართველოში ფქვილის იმპორტს ვერ განახორციელებს
ყაზახეთი საქართველოში ფქვილის იმპორტს ვერ განახორციელებს, რადგანაც საქართველოში იმპორტი შეზღუდულია.
უცხოეთიდან ფქვილის შემოტანა გასულ წელს შეიზღუდა, რასაც დროზე მთავრობაში ადგილობრივი ბაზრის დივერსიფიკაციითა და ადგილობრივი წარმოების წახალისებით ახსნეს.
ფქვილის იმორტის განსახორციელებლად კომპანიებს სურსათის უვნებლობის სამსახურიდან სპეციალური ნებართვის აღება უწევთ და ამის შემდეგ უწყება პროდუქციის ფიტო-სანიტარულ შემოწმებას იწყებს, რომლის ფარგლებშიც ფქვილის ვარგისიანობა და შემადგენლობა მოწმდება.
შეზღუდვების დაწესება მთავრობამ მას შემდეგ გადაწყვიტა, რაც მეხორბლეთა ასოციაციამ ქვეყანაში გენმოდიფიცირებული ფქვილის იმპორტზე გაკეთდა განცხადებები
მიმდინარე მარკეტინგულ წელს ყახაზეთი საქართველოში 300-500 ათას ტონა ხორბლის ექსპორტს განახორციელებს, _ ამის შესახებ განცხადება სს "პროდკორპორაციის" კომერციულმ დირექტორმა დაულეტ უვაშევმა განაცხადა. მისი განმარტებით, ყაზახური ხორბლის საქართველოში ექსპორტირება რამოდენიმე გზით ხდება, მათ შორის რკინიგზის მეშვეობით რუსთის გავლით, ბორნით - კასპიის ზღვის გავლით, და მესამე აქტაუს პორტიდან ბაქოს პორტამდე და იქედან საქართველოსკენ.
"ხორბლის ის მოცულობა, რომელიც საქართველოსთვის იქნება განკუთვნილი და მისი ტრანსპორტირება აქტაურს პორტიდან ბაქოს პორტში განხორციელდება, ის აზერბაიჯანულ-ყაზახურ წისქვილკომბინატში გადამუშავდება და ამის შემდეგ ფქვილის საქართველოს მივაწვდით", _ განაცხადა უვაშევმა. საქართველოს წლის განმავლობაში 800 ათას ტონა ხორბალს მოიხმარს, რომლის 15 % ადგილზე იწარმოება.