კომპანიები მაგთი და ჯეოსელი გახდნენ პირველი კომპანიები, რომლებმაც საგადასახადო კოდექსში შეტანილი ცვლილებების საფუძველზე შემოსავლების სამსახურისგან წინასწარი გადაწყვეტილების დოკუმენტი მიიღეს.
შემოსავლებს სამსახურის ინფრმაციით, ორივე კომპანია იყო პირველი, რომლებმაც სამსახურს ასეთი დოკუმენტის მიღების თხოვნით მიმართეს.
"აღნიშნული გადაწყვეტილება რომელიც არსებულ საგადასახადო კოდექსში შევიდა არის საკმაოდ მნიშვნელოვანი. რაგან ადრე თუ გვესმოდა, რომ ბიზნესი იყო დაუცველი და ის წერილები და რეკომენდაციები რომელსაც ბიზნესი ოფიციალური ორგანოებისგან იღებდა სამომავლოდ შესაძლოა გარკვეული დავების საგანი გამხდარიყო, დღეის შემდეგ ასეთი რამ აღარ მოხდება, რადგან კონკრეტულ ოპერაციაზე შემოსავლების სამსახურის მიერ გაცემულ დასკვნას აქვს კანონის ძალა და მისი შეცვლა შეუძლებელია. თუ კომპანია მოიქცევა ისე როგორც დასკვნაშია ნათქვამი მაშინ მას ვერასოდეს ვერავინ შეედავება", - განახადა შემოსავლების სამსახურის უფროსმა გიორგი ცხაკაიამ.
შეგახსენებთ, რომ ბიზნესის ხელშეწყობისა და გადასახადის გადამხდელთა მომსახურების გაუმჯობესების მიზნით საქართველოს საგადასახადო კოდექსში განხორციელდა ცვლილებები, კერძოთ დაინერგა ახალი მომსახურება „წინასაწარი გადაწყვეტილების გამოცემის წესი".
ნებისმიერ დაინტერესებულ პირს, რომელსაც განსახორციელებელი ან განხორციელებული ოპერაციების მიხედვით საგადასახადო ანგარიშების წესები და შესრულებული საგადასახადო ვალდებულებების თაობაზე სურს წინასწარ მიიღოს ინფორმაცია, მიმართავს შემოსავლების სამსახურს, რომლის შემდეგაც იქმნება სპეციალური ჯგუფი, რომლებიც შეისწავლიან მოთხოვნაში დასმულ საკითხებს და შემოსავლების სამსახურის მიერ დამტკიცებული წინასწარი გადაწყვეტილება წარედგინება, როგორც დამკვეთს, ასევე საგადასახადო ორგანოს.
წინასწარი გადაწყვეტილელების არსებობა ხელს შეუწყობს გადასახადის გადამხდელის საქმიანობას, რაც მინიმუმამდე დაიყვანს საჯარო სანქციის გამოყენების შემთხვევას.