საგარეო ურთიერთობათა კომიტეტში მიმდინარეობს საგარეო საქმეთა მინისტრის მოადგილის და პრემიერ მინისტრის სპეციალური წარმომადგენლის მოსმენა საქართველოს ოკუპირებული ტერიტორიებთან დაკავშირებული საკითხების და აბაშიძე- კარასინის ფორმატის შესახებ. სამუშაო რეჟიმში მივიღეთ ამომწურავი ინფორმაცია ყველა საკითხის შესახებ და ასევე განვიხილეთ სამომავლო ნაბიჯები.
"დასანანია, რომ სამუშაო რეჟიმის ნაცვლად, ოპოზიცია ცდილობდა პროვოკაციის მოწყობას, ნაცვლად იმისა, რომ ჩართულიყო სამუშაო პროცესში და კონსტრუქციულად გვემსჯელა ყველა იმ მნიშვნელოვან საკითხზე, რომელიც ჩვენს ეროვნულ ინტერესებს წარმოადგენს", - განაცხადა სოფიო ქაცარავამ.
საგარეო ურთიერთობათა კომიტეტის დახურული სხდომა, სადაც საგარეო საქმეთა მინისტრის მოადგილეს ლაშა დარსალიას და პრემიერ მინისტრის სპეციალურ წარმომადგენელს ზურაბ აბაშიძეს უსმენდნენ, დაპირისპირების ფონზე ჩატარდა.
