ამერიკის შეერთებული შტატები 2019 წლის ყველაზე გავლენიანი ქვეყნების რეიტინგს ლიდერობს.
US News and World Report rankings-ი ყოველწლიურად აქვეყნებს მსოფლიოს ქველაზე გავლენიანი ქვეყნების რეიტინგს, რომლის შედგენისასაც ეყრდნობა ამა თუ იმ სახელმწიფოს პოლიტიკურ და ეკონომიკურ გავლენებს, სამხედრო ძლიერებას და ასევე, ლიდერების ქმედებებს.
ბოლო რეიტინგი პენსილვანიის უნივერსიტეტთან თანამშრომლობით შედგა, რომლის დროსაც 80 ქვეყნის 20 000-მდე მოქალაქე გამოიკითხა.
გავლენიანი ქვეყნების რეიტინგი:
25: ბელგია
2018 წლის მსოფლიოს გავლენიანი ქვეყნების სიაში ბელგია არ ყოფილა, თუმცა 2019 წელს მან რეიტგინში 25-ე ადგილი დაიკავა. პატარა, მაგრამ მაღალგანვითარებული ქვეყანა ერთ-ერთი იმ 6 სახელმწიფოთაგანია, რომელთაც ევროკავშირი დააფუძნა. ბელგიის დედაქალაქში განთავსებულია სხვადასხვა საერთაშორისო ორგანიზაციის სათაო ოფისი, მაგალითად: ნატო და ევროკავშირი.
24: კატარი
კატარი მდიდარია ნავთობითა და გაზით, რაც მას მსოფლიოში ერთ-ერთ უმდიდრეს ქვეყნად აქცევს. განათლება და ჯანდაცვა უფასოა. 2022 წელს სწორედ აქ გაიმართება მსოფლიო ჩემპიონატი ფეხბურთში.
23: ესპანეთი
ესპანეთს ძალიან დიდი კულტურული გავლენა აქვს, თუმცა ბასკეთსა და კატალონიაში არსებული სეპარატისტული განწყობები დიდ საფრთხეს უქმნის მის ერთიანობას.
22: პაკისტანი
პაკისტანი მსოფლიოში ერთ-ერთი ყველაზე მჭიდროდ დასახლებული ქვეყანაა, სადაც მოსახლეობის უმრავლესობა ახალგაზრდაა. ბოლო დროს შეშფოთებას იწვევს ქაშმირის რეგიონში მიმდინარე კონფლიქტის გამო, ინდოეთთან დაძაბულობის ზრდა.
21: შვედეთი
ევროკავშირის ერთ-ერთი ყველაზე დიდი ქვეყანა შვედეთი ადამიანის უფლებების დაცვის საქმეში მსოფლიოს უპირობო ლიდერია.
განათლება და ჯანდაცვა ფაქტობრივად უფასოა. სიცოცხლის ხანგრძლივობა მაღალია.
20: სინგაპური
სინგაპური ერთ-ერთი ყველაზე მდიდარი ქვეყანაა, დასაქმების საკმაოდ მაღალი მაჩვენებლით.
19: ერაყი
მიუხედავად იმისა, რომ ერაყი ნავთობის ერთ-ერთი ყველაზე დიდი მომპოვებელია, მსოფლიო ბანკის კვლევების მიხედვით, მისი ეკონომიკა მეტად არასტაბილურია.
ერაყი სხვადასხვა საერთაშორისო და რეგიონული ორგანიზაციების წევრია, მაგალითად: საერთაშორისო სავალუტო ფონდი, არაბული ლიგა და ისლამური თანამშრომლობის ორგანიზაცია.
18: იტალია
იტალიის ეკონომიკა ევროზონაშ ერთ-ერთი ყველაზე დიდია. თუმცა ბოლო წლებში მისი ეკონომიკა გარკვეულ რყევებს განიცდის.
იტალიის კულტურა მსოფლიოში საყოველთაოდ ცნობილია.
17: ინდოეთი
ინდოეთი მნიშვნელოვან როლს თამაშობს გლობალურ ტექნოლოგიურ ინდუსტრიაში. ცნობილია თავისი კულტურით. მუმბაიში, ბოლივუდში იმაზე მეტ ფილმს აწარმოებენ ვიდრე ნებისმიერ სხვა ქვეყანაში.
16: თურქეთი
ევროპისა და აზიის გზასაყარზე მდებარე ქვეყანა გამოირჩევა მძლავრი ეკონომიკით, თუმცა მან გარკვეული რყევები განიცადა ბოლო წლებში. თურქეთი ნატოს წევრია.
15: ავსტრალია
ავსტრალია ერთ-ერთი ყველაზე მდიდარი ქვეყანაა ცხოვრების მაღალი ხარისხით. ის მრაავლი საერთაშორისო ორგანიზაციის წევრია.
14: შვეიცარია
შვეიცარია მსოფლიოს ერთ-ერთი ყველაზე მდიდარი ქვეყანაა, სადაც მშპ ყველა სხვა ქვეყანაზე მაღალია.
გამორჩეულია შვეიცარიის საბანკო სისტემა, რომელიც თავის კლიენტებს იმაზე მეტ უსაფრთხოებას სთავაზობს ვიდრე სხვა რომელიმე ქვეყანა,
რამდენიმე მსხვილი საერთაშორისო ორგანიზაციის სათაო ოფისი სწორედ შვეიცარიაში, ჟენევაშია განთავსებული.
13: ირანი
ირანი დიდი ხანია მთელი მსოფლიოს ყურადღების საგანია, თავისი გეოგრაფიული მდებარეობისა და ბუნებრივი რესურსების ჭარბი მარაგების გამო.
12: კანადა
კანადა სიდიდით მსოფლიოში მეორე ქვეყანაა და 5 იმ სახელმწიფოთაგანია, რომელიც ყველაზე დიდ ნავთობის მარაგებს ფლობენ.
11: არაბთა გაერთიანებული საემიროები
არაბთა გაერთიანებული საემიროები ერთ-ერთი ყველაზე ლიბერალური ქვეყანაა რეგიონში, სადაც მდებარეობს. მდიდარია ნავთობის მარაგებით.
10: სამხრეთ კორეა
სამხრეთ კორეა მსოფლიოში ყველაზე მსხვილ ექსპორტიორ ქვეყნებს შორის მე-7 ადგილს იკავებს და მისი ეკონომიკა სიდიდით მსოფლიოში მეთერთმეტეა.
9: საუდის არაბეთი
საუდის არაბეთი დიდი და მდიდარი ქვეყანაა. ცნობილი ქალაქი მექა სწორედ საუდის არაბეთში მდებარეობს. ამიტომაც მას ყოველწლიურად მილიონობით ტურისტი სტუმრობს.
8: ისრაელი
მიუხედავად იმისა, რომ ისრაელი პატარა ქვეყანაა, მას დიდი როლი აქვს გლობალურ თამაშებში.
ისრაელის ეკონომიკა ძლიერია, თუმცა პალესტინასთან არსებული კონფლიქტის ფონზე, უსაფრთოხება, განსაკუთრებით კი საზღვრისპირა რეგიონებში, არასტაბილურია.
7: იაპონია
იაპონიის ეკონომიკა მსოფლიოში სიდიდით მესამეა. ტექნოლოგიური მიღწევებით კი მსოფლიო ლიდერია.
6: საფრანგეთი
საფრანგეთი მსოფლიოს ერთ-ერთი ყველაზე ძველი ქვეყანაა, რომელიც თავის გავლენას პოლიტიკის, ეკონომიკისა და კულტურის მეშვეობით ავრცელებს. საფრანგეთს ეკონომიკა მსოფლიოში ერთ-ერთი დიდია.
5: გაერთიანებული სამეფო
კოლონიალური წარსულის მსგავსად, დიდი ბრიტანეთს გავლენა მსოფლიო პოლიტიკაზე ახლაც ძალიან დიდია. ლონდონი მსოფლიოში ყველაზე ხშირად მონახულებადი ქალაქია.
4: გერმანია
გერმანია ევროკავშირში ყველაზე ხალხმრავალი ქვეყანაა. გერმანია ევროკავშირის ლიდერი ქვეყანაა და მას ერთ-ერთი ყველაზე დიდი ეკონომიკა აქვს
3: ჩინეთი
მსოფლიოში ყველაზე ხალხმრავალი ქვეყანა, რომელის ეკონომიკა სიდიდით მეორეა, თუმცა მისი მოსახლეობა ჯერ კიდევ განიცდის სიღარიბეს.
2: რუსეთი
რუსეთი მსოფლიოში ყველაზე დიდი ქვეყანაა, რომელსაც საერთო საზღვარი აქვს 10-ზე მეტ ქვეყანასთან.
1: ამერიკის შეერთებული შტატები
აშშ-ი მსოფლიოს უდიდესი ეკონომიკის და სამხედრო ძალის მქონე სახელმწიფო. მას უდიდესი გავლენა აქვს მსოფლიო პოლიტიკაზე.