„თუ მიაჩნია რომელიმე დეპუტატს, რომ მის მიერ შექმნილ ანტიკონსტიტუციურ კანონს თუ ვინმე მხარს არ დაუჭერს, უნდა წავიდეს, ეს მისი გადასაწყვეტია,“ - ეს განცხადება ფრაქცია ”ქართული ოცნების” თავმჯდომარემ, მამუკა მდინარაძემ გააკეთა.
მდინარაძის თქმით, დეპუტატ ეკა ბესელიას მიერ წარდგენილი კანონპროექტი, რომელიც მოსამართლეთა უვადოდ დანიშვნის შეჩერებას გულისხმობს, არაკონსტიტუციურია.
„თუ ანტიკონსტიტუციურ კანონს ხმას არ აძლევს უმრავლესობა, ეს იმას ნიშნავს, რომ ვიღაცას ეუბნება წადი. ეს არასწორია. თუ მიაჩნია რომელიმე დეპუტატს, რომ მის მიერ შექმნილ ანტიკონსტიტუციურ კანონს თუ ვინმე მხარს არ დაუჭერს, უნდა წავიდეს, ეს მისი გადასაწყვეტია, უბრალოდ, უხერხულ მდგომარეობაში აღმოჩნდება თუ ვინმე ასეთ განცხადებას გააკეთებს“, - განაცხადა მამუკა მდინარაძემ.