რუსეთის პრეზიდენტი ვლადიმერ პუტინი სოჭში თურქეთის პრეზიდენტს რეჯებ ტაიპ ერდოღანსა და ირანის პრეზიდენტს ჰასან როჰანს მასპინძლობს. ლიდერები სირიის საკითხებზე მსჯელობას გეგმავენ.
კრემლის ცნობით, სამი ქვეყნის პრეზიდენტი სირიის კონფლიქტის მოგვარებასა და გრძელვადიანი მშვიდობის შენარჩუნებაზე სამომავლო გეგმებს დასახავენ.
რუსეთის საგარეო საქმეთა მინისტრის სერგეი ლავროვის თქმით, მხარეები ერთობლივი კომიტეტის ფორმირებაზე ისაუბრებენ, რომლის მთავარი ამოცანა ომისშემდგომი სირიისთვის ახალი სახელმწიფო მოწყობის შექმნა იქნება.
სამივე ქვეყანას გაცხადებული აქვს, რომ სურს სირიაში მიმდინარე ომის დასრულება.
აღსანიშნავია, რომ მოსკოვი და თეირანი სირიის მოქმედ პრეზიდენტს ბაშარ ალ-ასადს უჭერენ მხარს, ხოლო თურქეთი და აშშ სირიის ანტისამთავრობო ძალებს.
მრავალრიცხოვანი მოლაპარაკებების მიუხედავად, სირიაში სისლისმღვრელი ომი ჯერ კიდევ მძვინვარებს, რომელმაც 400 000-მდე ადამიანის სიცოცხლე იმსხვერპლა, მილიონობით ადამიანი იძულებული გახადა დაეტოვებინა საკუთარი საცხოვრებელი ადგილი და მრავალი ისტორიული ძეგლი მიწასთან გაასწორა.