„ეროვნულ-დემოკრატიული ინსტიტუტის“ (NDI) კვლევების თანახმად საქართველოში გამოკითხულთა 41 პროცენტი არსებული მთავრობის საქმიანობას კარგად აფასებს, ხოლო 37 პროცენტი – ცუდად.
ამავე კვლევით, მთავრობის საქმიანობას ძალიან კარგად მხოლოდ სამი პროცენტი აფასებს, ხოლო ძალიან ცუდად – 12 პროცენტი.
2018 წლის მარტში გამოქვეყნებული მონაცემებით, მთავრობის საქმიანობას კარგად 42 პროცენტი აფასებდა, ცუდად – 36, ძალიან კარგად ორი, ხოლო ძალიან ცუდად – 13 პროცენტი.
ეროვნულ-დემოკრატიულმა ინსტიტუტმა NDI კვლევა წარმომადგენლობითი შერჩევის წესით, მთელი საქართველოს მასშტაბით ჩაატარა, გარდა ოკუპირებული ტერიტორიებისა. საველე სამუშაოები 2018 წლის 6-20 დეკემბერს, CRRC-მ ჩაატარა. გამოიკითხა 2205 ადამიანი, ცდომილების საშუალო ზღვარი +/- 2.1%-ია.