საპარლამენტო უმრავლესობის წევრი, პარლამენტის იურიდიული კომიტეტის ყოფილი თავმჯდომარე სოციალურ ქსელ „ფეისბუკში“ გავრცელებულ ღია წერილში მიმართავს ქალებს და მოუწოდებს მათ პოლიტიკაში ჩართულობისკენ, რადგან სწორედ მათ შეუძლიათ რეალობის შეცვლა:
„მივმართავ ყველა ქალს – თქვენ შეგიძლიათ შეცვალოთ რეალობა. მეტი ქალია საჭირო პოლიტიკაში ! ამას მაშინ მივხვდი, როცა მე თავად მომიწია ბევრი კათარზისის გავლა. ბევრი განსაცდელის გადატანა და მუდმივად მტკიცება რომ სუსტი არა ვარ! რომ დამოუკიდებლად შემიძლია შევქმნა ღირებული და არა ვიყო სხვისი ხელის შემყურე...სწორედ იმიტომ , რომ ამდენის გავლა და გადატანა არ დაჭირდეს არც ერთ ქალს, მეტნი მოდით პოლიტიკაში და იბრძოლეთ, რომ იყოს უფრო ადამიანური და კეთილი, ვიდრე არის დღეს”, - წერს ეკა ბესელია.
ცნობისთვის, გუშინ, 28 იანვარს, გავრცელდა ინფორმაცია ეკა ბესელიას პირადი ცხოვრების ამსახველი კადრების სავარაუდო გავრცელების შესახებ.
