მშფოთვარე რეგიონში საქართველო სტაბილურობის პოლუსს წარმოადგენს, - განაცხადა საქართველოს პრეზიდეტმა, სალომე ზურაბიშვილმა euradio.fr-სთან ინტერვიუში.
ამ მშფოთვარე რეგიონში საქართველო სტაბილურობის პოლუსს წარმოადგენს, მიუხედავად ოკუპირებული ტერიტორიებისა, რუსეთის აგრესიული და რთული მოქმედებებისა, რომელიც კვლავაც დიდ ზეწოლას ახდენს ჩვენზე, კერძოდ, საოკუპაციო ზოლთან, - - განაცხადა საქართველოს პრეზიდეტმა, სალომე ზურაბიშვილმა euradio.fr-სთან ინტერვიუში
„მიუხედავად ყველაფრისა, საქართველო მყარად ინარჩუნებს სტაბილურობას და უახლოეს სამეზობლოში საყრდენ წერტილს წარმოადგენს ევროკავშირისთვის. ახლა ჩვენ გვიერთდება სომხეთიც, რომელიც, როგორც ჩანს, ცდილობს გამოიყენოს ჩვენი გამოცდილება ევროკავშირთან დაახლოების თვალსაზრისით. ერევანი იწყებს ამ პროცესს ჩვენი ნაბიჯებიდან რამდენიმე წლის შემდეგ. ეს გვიჩვენებს, რომ ჩვენ უკვე მარტონი აღარ ვართ. აზერბაიჯანიც ასევე გამოხატავს ევროკავშირთან ურთიერთობით დაინტერესებას“, - სალომე ზურაბიშვილი.
