საქართველოს პრეზიდენტმა, სალომე ზურაბიშვილმა, ჰოლოკოსტის მსხვერპლთა ხსოვნის საერთაშორისო დღესთან დაკავშირებით, ისრაელის ელჩის მოვალეობის შემსრულებელი სმადარ ცემახ-რაცაბი მიიღო.
,,საქართველოს მხრიდან ამ დიდი ტკივილის გაზიარება ძალიან ბუნებრივია, რამეთუ ჩვენს ქვეყანაში ანტისემიტიზმის არც ერთი მაგალითი არ ყოფილა. პირიქით, ჩვენ ყოველთვის ვიდექით ებრაელი ხალხს გვერდით და დღესაც იქ ვდგავართ, სადაც უნდა ვიდგეთ", - აღნიშნა პრეზიდენტმა.
ჰოლოკოსტის მსხვერპლთა საერთაშორისო დღე გაეროს გადაწყვეტილებით 27 იანვარს აღინიშნება.
