სანდრო გირგვლიანი რომ მოკლეს და მკვლელები, რომლებმაც მოკლეს სანდრო გირგვლიანი, ციხეში ჩავსვი მე,“ - ამის შესახებ განცხადება ლევან მურუსიძემ პარლამენტის წინ გააკეთა, სადაც სამოქალაქო აქტივისტების საპროტესტო აქცია იმართება.
„გირგვლიანის მკვლელები ციხეში ჩავსვი მე. გაუნახევრა სასჯელი სააკაშვილმა და გაუშვეს პირობით ვადამდე, რომლებშიც მე მონაწილეობა საერთოდ არ მიმიღია... 7 წელი მივუსაჯე. პროკურატურამ არ მოითხოვა მეტი“, - ასე უპასუხა მოსამართლე ლევან მურუსიძემ ირაკლი კაკაბაძეს, სასტუმრო „რედისონის“ წინ მიმდინარე აქციაზე
დღეს მოსამართლეთა შერჩევის კრიტერიუმებთან დაკავშირებით სამუშაო ჯგუფის შეხვედრა იმართება, რომელსაც ირაკლი კობახიძე ხელმძღვანელობს. სამუშაო ჯგუფის შეხვედრას პარლამენტის წევრები, ასევე მოსამართლეები ესწრებიან. შეხვედრა სამოქალაქო სექტორის პროტესტის ფონზე მიმდინარეობს. არასამთავრობო ორგანიზაციების წარმომადგენლები სამუშაო ჯგუფს უნდობლობას უცხადებენ და პროცესში მონაწილეობის აზრს ვერ ხედავენ. აქციის მონაწილეები იმ შენობაში შესვლას ცდილობენ, სადაც შეხვედრა მიმდინარეობს, თუმცა მათ დაცვამ ამის საშუალება არ მისცა.
