იუსტიციის უმაღლეს საბჭოს, არანაირი ლეგიტიმაცია და ნდობა არ გააჩნია საზოგადოების მხრიდან, ამიტომ მოგვიწევს, მთავარი პოლიტიკური ფუნქცია აიღოს თავის თავზე პარლამენტმა, - განაცხადა უმრავლესობის წევრმა ლვენა გოგიჩაიშვილმა იუსტიციის უმაღლესი საბჭოს შესახებ.
“გამომდინარე იქედან, რომ იუსტიციის უმაღლეს საბჭოს, ფაქტობრივად არანაირი ლეგიტიმაცია და ნდობა არ გააჩნია საზოგადოების მხრიდან, ამიტომ ჩვენ მოგვიწევს ეს ფუნქცია, მთავარი პოლიტიკური ფუნქცია აიღოს თავის თავზე პარლამენტმა და მთავარი ფაქტორი და არჩევანში ყველაზე წამყვანი როლის მატარებელი უნდა იყოს საქართველოს პარლამენტი“, - თქვა გოგიჩაიშვილმა.
დღეს მოსამართლეთა შერჩევის კრიტერიუმებთან დაკავშირებით სამუშაო ჯგუფის შეხვედრა იმართება, რომელსაც ირაკლი კობახიძე ხელმძღვანელობს. სამუშაო ჯგუფის შეხვედრას პარლამენტის წევრები, ასევე მოსამართლეები ესწრებიან. შეხვედრა სამოქალაქო სექტორის პროტესტის ფონზე მიმდინარეობს. არასამთავრობო ორგანიზაციების წარმომადგენლები სამუშაო ჯგუფს უნდობლობას უცხადებენ და პროცესში მონაწილეობის აზრს ვერ ხედავენ. აქციის მონაწილეები იმ შენობაში შესვლას ცდილობენ, სადაც შეხვედრა მიმდინარეობს, თუმცა მათ დაცვამ ამის საშუალება არ მისცა.
