27 ადამიანი დაიღუპა და ათეულობით დაშავდა ფილიპინებზე, კათოლიკურ ეკლესიაში მომხდარი აფეთქების შედეგად. ინფორმაციას BBC ავრცელებს.
როგორც ადგილობრივი ხელისუფლება აცხადებს, კუნძულ ჯოლოზე მდებარე ეკლესიაში პირველი აფეთქება სადღესასწაულო მესის დაწყებისთანავე განხორციელდა. ხოლო მეორე აფეთქება ავტოსადგურზე არსებულმა ასაფეთქებელმა მოწყობილობამ გამოიწვია.
ჯერჯერობით თავდასხმაზე პასუხისმგებლობა არცერთ დაჯგუფებას არ აუღია თავის თავზე, თუმცა არსებობს ეჭვი იმის შესახებ, რომ შესაძლოა აფეთქების უკან აბუ საიაფის ჯიჰადისტური დაჯგუფება იდგეს. ამ დაჯგუფების წევრები თავს ესხმიან მოქალაქეებსა და სამხედროებს და იტაცებენ მშვიდობიან მოსახლეობას.
შესწორება: თავდაპირველად გავრცელდა ინფორმაცია, რომ აფეთქების შედეგად გარდაიცვალა 27 ადამიანი, თუმცა მოგვიანებით მხოლოდ 20 ადამიანის დაღუპვა დადასტურდა.
