პარტიას და პარტიულ წარმომავლობას მნიშვნელობა არ აქვს, ხდება შესაბამისი ქმედება? პასუხმაც არ უნდა დააგვიანოს, – ამის შესახებ ჟურნალისტებს საპარლამენტო უმრავლეობის წევრმა დავით მათიკაშვილმა გაერთიანებული ოპოზიციის წევრ დავით კირკიტაძისთვის აღკვეთის ღონისძიებად პატიმრობის შეფარდებასთან დაკავშირებით განაცხადა.
მისი თქმით, როდესაც ადამიანი პოლიციელს ურტყამს, ტრანსპორტს აზიანებს და ისე იქცევა, რაც სისხლის სამართლებრივი კანონმდებლობით დასჯადად არის გამოცხადებული, ცხადია, ასეთი ქმედებისთვის ყველამ ადეკვატური პასუხი უნდა მიიღო.
„ცხადია, ჩვენ უდანაშაულობის პრეზუმფციას არ დავარღვევთ. ამ საქმეზე განაჩენი ჯერ დამდგარი არ არის. მხოლოდ აღკვეთ ღონისძიებაზე იყო მსჯელობა. სასამართლო გადაწყვეტილებას ყველა იმ მტკიცებულებაზე დაყრდნობით მიიღებს, რომელიც სასამართლოში წარდგენილი იქნება“, – განაცხადა მათიკაშვილმა.
