ხვალ, 8 სექტემბერს 11:00 სთ-ზე, გურჯაანის რაიონში სოფლის მეურნეობის მინისტრი ბაკურ კვეზერელი ,,რთველი 2010"-ის საკოორდინაციო შტაბს გახსნის.
სოფლის მეურნეობის სამინისტროს ინფორმაციით. შტაბს სამინისტროს ადმინისტრაციული დეპარტამენტის უფროსი ტარიელ გაბუნია უხელმძღვანელებს.
კახეთში პირველ ეტაპზე საფერავის ჯიშის ყურძენი დაიკრიფება, შემდეგ კი რქაწითელი და სხვადასხვა ჯიშები.
2010 წელს რთველის სუბსიდირებისთვის წელს 6 მილიონ 100 ათასი ლარი გამოიყო. ფული მთავრობის სარეზერვო ფონდიდან გაიხარჯება. რთველის სუბსიდირებისთვის განკუთვნილ თანხას მოსახლეობა იმ ღვინის ქარხნებში მიიღებს, რომლებიც წელს ყურძენს ჩაიბარებენ.
