კონსტანტინოპოლის საპატრიარქოს წმინდა სინოდმა უკრაინული ეკლესიის ავტოკეფალიის ტომოსის ტექსტი დაამტკიცა. გარდა ამისა, წმინდა სინოდმა უკრაინის გაერთიანებული მართლმადიდებელი ეკლესიის წესდების ტექსტსაც დაუჭირა მხარი.
წმინდა სინოდის სხდომის შემდეგ კონსტანტინოპოლის საპატრიარქოს სამდივნომ სპეციალური კომუნიკე გაავრცელა.
აღნიშნულ ფაქტს უკრაინის პრეზიდენტი პეტრო პოროშენკო გამოეხმაურა და განაცხადა, რომ მსოფლიო პატრიარქი ბართოლომეოსი უახლოეს მომავალში გამოაცხადებს გამაერთიანებელი კრების თარიღს, რომელზეც უკრაინის ეკლესია ავტოკეფალიის ტომოსს მიიღებს.
უკრაინის ეკლესიის გამაერთიანებელი სხდომის თარიღი ჯერჯერობით არ დასახელებულა.
