ბატონო პუტინო, გთხოვ, გაეთრიეთ უკრაინიდან - ამის შესახებ უკრაინის პრეზიდენტმა პეტრო პოროშენკო ამერიკული ტელეკომპანიის NBC News-ისთვის მიცემულ ინტერვიუში განაცხადა.
პოროშენკოს განცხადებით, ეს არის ის მესიჯი, რომელიც სურს, რომ აშშ-ის პრეზიდენტმა დონალდ ტრამპმა, არგენტინაში „დიდი ოცეულის“ ფარგლებში“ დაგეგმილ შეხვედრაზე ვლადიმერ პუტინს გადასცეს.
შეგახსენებთ, რომ დღეიდან, უკრაინის 10 რეგიონში საომარი მდგომარეობა შევა ძალაში. პრეზიდენტის განკარგულებას საომარი მდგომარეობის გამოცხადების შესახებ უკრაინის რადამ, 276 ხმით, მხარი დაუჭირა.
25 ნოემბერს, რუსეთის მხრიდან უკრაინული გემების მიმართ თავდასხმა განხორციელდა.რუსი სამხედროების თავდასხმის შედეგად დაიჭრა 6 უკრაინელი. ყირიმის ავტონომიურ რესპუბლიკაში უკრაინის პრეზიდენტის წარმომადგენელის, ბორის ბაბინის განაცხადებით, რუს მესაზღვრეებს 20-ზე მეტი უკრაინელი სამხედრო ჰყავთ დაკავებული.
რუსული მხარე, ტრადიციულად, უკრაინას პროვოკაციის მოწყობაში ადანაშაულებს.
